Pretempada definida no Club Baloncesto Arxil
Por Redacción
Cando só faltan uns días para o inicio dos adestramentos do primeiro equipo, o Club Baloncesto Arxil confirmou a planificación da pretempada.
Polo momento a entidade verde confirmou catro compromisos amigables cos que tentará poñerse a punto para o inicio da competición na Liga Feminina 2, previsto para o sábado 30 de septimebre (19:30 horas) ante o Segle XXI no CGTD de Pontevedra.
A primeira das citas amigables terá lugar o martes 12 de setembro, neste caso ante o Celta de Vigo ás 20:30 horas, mentres catro días depués, o sábado 16, o rival será o Cortegada de Vilagarcía (19:30 horas).
O outro encontro fixado, como os anteriores no Centro Galego de Tecnificación Deportiva, serán ante o Maristas coruñés de Primeira Nacional o sábado 23 de setembro.
Completará a pretempada un partido en Lugo ante o Ensino nunha data aínda por concretar.
O primeiro adestramento do equipo arxilista terá lugar o vindeiro mércores 30 de agosto, unha cita á que só faltarán as lesionadas Ana Martín e María González e tamén a colombiana Tatiana Mosquera, a falta de ultimar os últimos trámites para obter o seu visado. Pola súa banda está previsto que a inglesa Chantel Charles chegue á cidade de Lérez o mesmo día 30.
Relacionadas:
-
O Arxil, á espera de Tatiana Mosquera
Por Redacción |
-
O Arxil ponse en marcha co xusto
Por Redacción |
-
Noa Casalderrey, outra xogadora da casa para o primeiro equipo do Arxil
Por Redacción |
-
O Arxil ata a continuidade de Aldara Vázquez por unha tempada máis
Por Redacción |
-
Ana Román, renovada nun Arxil que avanza para pechar o plantel da próxima tempada
Por Redacción |
-
A alero Charles Chantel ficha polo CB Arxil
Por Redacción |
-
O Arxil comezará a liga na casa fronte o Siglo XXI catalá
Por Redacción |