Adrián Sieiro e Sergio Vallejo, sen fortuna no Mundial de piragüismo
Por Diego Espiño
Un mal cruzamento nas semifinais deixou a Sergio Vallejo e Adrián Sieiro (Piragüismo Poio Pescamar) sen o seu obxectivo de chegar á final mundialista do C-2 1.000 metros no Campionato do Mundo Sprint que se está disputando na localidade checa de Racice.
A parella pontevedresa viuse relegada á final B da competición, prevista para este domingo, despois de ser cuartos este sábado na súa semifinal (3:42.648), quedando a medio segundo da clasificación.
Con todo o seu tempo teríalles valido para gañar a outra semifinal e entrar na loita polas medallas, xa que nela impuxéronse os brasileiros Isaquias Queiroz e Erlon de Souza cun peor rexistro que o dos galegos (3:43.435).
A pesar da decepción Sieiro e Vallejo demostraron estar moi preto dos postos de privilexio no primeiro ano dun novo ciclo olímpico, que encaran coa ilusión de chegar a Tokyo.
Tampouco lle foron ben as cousas á cinco veces olímpica Teresa Portela, cuarta na semifinal do K-1 200 metros e que tamén afrontará a final B.
Tamén competiu en Racice o ex-padexeiro do Poio Daniel Durán (Kayak Tudense), sexto na semifinal do C-1 1.000 metros e quedando por tanto fóra da final principal na canoa longa.
Relacionadas:
-
A 51 edición do Descenso do Sil, para a EP Ciudad de Pontevedra
Por Redacción |
-
Obxectivo mundial para o piragüismo pontevedrés
Por Redacción |
-
O piragüismo toma a ría co XL Trofeo Princesa de Asturias
Por Diego Espiño & Diego Torrado |
-
Sergio Vallejo, Adrián Sieiro e Teresa Portela estarán no Mundial de piragüismo de Praga
Por Alejandro Espiño |