Obxectivo mundial para o piragüismo pontevedrés
Por Redacción
Despois de meses de preparación, selectivos e competicións, o piragüismo pontevedrés afronta a proba máis importante do ano, o Campionato do Mundo Sprint.
A localidade checa de Racice, a 60 quilómetros de Praga, acolle a cita desde este mércores 23 de agosto e ata o vindeiro domingo 27, cun equipo español no que figuran 29 deportistas entre o que se atopa unha nutrida presenza de deportistas galegos.
Teresa Portela (Ría de Aldán) no K-1 200 metros e Adrián Sieiro e Sergio Vallejo (Piragüismo Poio Pescamar) no C-2 1.000 metros, son as bazas da representación pontevedresa.
Vallejo e Sieiro, sétimos no recente Europeo e tras grandes resultados este ano en probas internacionais, aspiran a entrar na final e pelexar polos postos de honra. O seu debut producirase ás 9:21 horas do venres nas eliminatorias da súa distancia.
O mesmo día estrearase a olímpica Teresa Portela, con saída da primeira eliminatoria do K-1 200 metros ás 9:45 horas.
Antes diso, leste mesmo mércores competía Elena Naveiro (Breogán do Grove) nas probas de paracanoe.
Relacionadas:
-
Adrián Sieiro e Sergio Vallejo, sen fortuna no Mundial de piragüismo
Por Diego Espiño |
-
O piragüismo toma a ría co XL Trofeo Princesa de Asturias
Por Diego Espiño & Diego Torrado |
-
O complexo deportivo do Pontillón será xestionado pola Federación Galega de Piragüismo
Por Redacción |
-
Sergio Vallejo, Adrián Sieiro e Teresa Portela estarán no Mundial de piragüismo de Praga
Por Alejandro Espiño |