O Teucro preséntase ante a súa afección cunha vitoria para o optimismo (33-31)
Por Redacción
Só uns días despois de caer en Portugal no seu terceiro encontro de pretemporada, a Sociedad Deportiva Teucro tomouse a vinganza e deu un paso á fronte no seu xogo para dobregar ao ABC Braga portugués (33-31).
Era a presentación dos azuis ante a súa afección e as ganas de agradar notáronse no inicio do encontro, no que os pontevedreses lograron unha renda de tres goles (5-2) para empezar a dominar o xogo.
En certas fases notouse que era aínda un encontro de preparación, pero os de Quique Domínguez empezaron a mostrar as súas opcións ofensivas, cun destacado Joan Balázquez no lanzamento exterior que deixou boas sensacións aos seguidores.
O técnico repartiu moito os minutos e probou varientes para seguir avanzando na preparación do equipo.
Ao descanso o Teucro mantiña os tres tantos de vantaxe (15-12), e sempre foi mandando no electrónico tras o descanso para terminar certificando o seu segundo triunfo do verán.
DERROTA POLA MÍNIMA DO CISNE
Foi unha tarde dobre de balonmán no Municipal, xa que tamén se estreaba o Cisne ante un rival da súa liga, o Balonmano Nava, aínda que no seu caso fíxoo cunha axustada derrota (25-26).
O choque caracterizouse pola igualdade desde o inicio. Así, cos erros típicos destas datas, chegábase ao descanso con empate a 13 tantos.
Jabato deu minutos a case todo o plantel, do mesmo xeito que un Nava que na segunda metade logrou abrir unha pequena brecha. Reaccionaron os pontevedreses no tramo final chegando a empatar, pero non puideron evitar unha derrota que con todo deixa boas sensacións no equipo.
Relacionadas:
-
O Teucro leva o derbi ante o Cisne (31-28) para pasar á final da Copa Galicia
Por Redacción |
-
Haberá derbi pontevedrés nas semifinais da Copa Galicia de balonmán
Por Redacción |
-
Dobre derrota do Teucro no Rosal no test máis serio da pretempada
Por Redacción |
-
O Teucro perde en Braga no seu terceiro amigable da pretempada
Por Redacción |
-
Cara onde mira un xogador de balonmán cando lanza un penalti?
Por Alejandro Espiño & Cristina Saiz |
-
O arxentino Andrés Moyano, último reforzo do Teucro no seu regreso a Asobal
Por Alejandro Espiño |