Marín, orgullosa dos seus taekwondistas
Por Redacción
O taekwondo é un deporte importante en Marín. Así se encargan de demostralo ano tras ano os deportistas do Mat's que compiten, con éxito, a nivel nacional e internacional.
Por ese motivo a alcaldesa, María Ramallo, e o concelleiro de Deportes, Antonio Traba, ofreceron este xoves unha recepción oficial a varios deportistas do club polos seus resultados ao longo da tempada.
Alí estaban como máximos expoñentes do taekwondo local Pablo Fernández e Katya Calvar, ambos os bolseiros nos centros de alto rendemento de Madrid e Barcelona respectivamente e que defenderon o pavillón marinense en probas como o Campionato do Mundo en Corea do Sur, no caso de Pablo, ou no Grand Prix de Rusia no caso de Katya.
Xunto a eles acudiron á recepción dúas das grandes promesas do club como son Arlet Ortiz e Iván García, ademais do seu director técnico, Ángel Torres. Arlet proclamouse este ano campioa de España junior, mentres Iván logrou a prata no nacional absoluto.
Os catro son a mostra de que o futuro do taekwondo en Marín está asegurado.
Relacionadas:
-
Arlet Ortiz faise co ouro no Open de Polonia de taekwondo
Por Redacción |
-
Amarga eliminación de Pablo Fernández no Campionato do Mundo de Taekwondo
Por Redacción |
-
Arlet Ortiz, ouro no Nacional Junior de Taekwondo e pasaporte para o Campionato de Europa
Por Redacción |
-
Arlet Ortiz, ás portas das medallas no Europeo sub-21 de taekwondo
Por Redacción |