Existosa estrea de Támara Echegoyen na vela oceánica a bordo do Mapfre
Por Redacción
A primeira experiencia competitiva de Támara Echegoyen na vela oceánica non puido resultar máis positiva, ao impoñerse a bordo do VO65 do Mapfre na Etapa 0 da Volvo Ocean Race 2017-2018.
A regatista pontevedresa, primeira española que afrontará o reto da volta ao mundo a vela da Volvo, formou parte da tripulación do desafío español que este mércores, tras varias xornadas, resultou vencedor de proba.
A Etapa 0 contou con regatas na illa de Wight, a Rolex Fasnet Race e travesías entre Plympouth e Saint-Malo e entre Saint-Malo e Lisboa, sendo recortada pola organización esta última etapa ante a pouca intensidade do vento.
Aínda que non se trata dunha competición puntuable para a clasificación xeral da Volvo Ocean Race, foi a primeira vez na que o Mapfre viu as caras cos que serán os seus rivais na volta ao mundo, servindo ademais de adestramento de nivel para toda a tripulación.
O desafío español, con base en Sanxenxo, foi gañador de dous das regatas da Etapa 0 e segundo noutra delas finalizando con 29 puntos, cinco de vantaxe sobre o Dongfeng Race Team e seis sobre o Team Brunel.
A Volvo Ocean Race iniciarase o próximo 8 de outubro cun prólogo entre Lisboa e Alacante, aínda que non será ata o día 14 de outubro cando leve a cabo a primeira proba puntuable da competición, cunha regata costeira no porto da localidade alacantina.
Antes de todo iso Támara Echegoyen ten previsto reencontrarse coa clase olímpica 49erFX no mundial da especialidade, que se celebrará a partir do 28 de agosto na localidade lusa de Matosinhos e no que defenderá xunto á súa compañeira Berta Betanzos o ouro alcanzado o pasado ano en Florida.
Relacionadas:
-
O soño de participar na Volvo Ocean Race é xa unha realidade para Támara Echegoyen
Por Redacción |
-
O Mapfre toma o mando desde o inicio na Volvo Ocean Race
Por Redacción |
-
A regata Rei Juan Carlos I enche de cor e deporte a ría de Pontevedra
Por Redacción |
-
A Volta ao Mundo a Vela empeza en Sanxenxo
Por Redacción |
-
A regata Rei Juan Carlos I contará con dous barcos da volta ao mundo a vela
Por Redacción |
-
Támara Echegoyen, primeira regatista española en participar na Volvo Ocean Race
Por Redacción |
-
O novo barco do desafío español da Volvo Ocean Race pon rumbo á súa base de Sanxenxo
Por Redacción |
-
Támara Echegoyen e Berta Betanzos recollen en Baiona o Premio Nacional de Vela
Por Redacción |