Mario Blanco, gran triunfador do torneo de Wall Paddleball celebrado en Ponte Caldelas
Por Redacción
Aos seus trece anos, Mario Blanco converteuse no gran triunfador do torneo de Wall Paddleball que se celebrou en Chan da Barcia (Ponte Caldelas), ao gañar o ouro nas dúas categorías que disputou.
Na categoría absoluta, a parella formada por Jaime Blanco Dios e Mario Blanco Boullosa venceu ao dúo composto por Jorge Díaz e Nacho Boullosa por 2 sets a 0.
O mesmo resultado deuse na final da categoría xuvenil, onde a parella formada por Mara Iglesias Martínez e Mario Blanco Boullosa derrotou á formada por Irene Blanco Boullosa e Desirée Da Silva.
O alcalde de Ponte Caldelas, Andrés Díaz, foi o encargado de entregar os respectivos trofeos aos gañadores.