Chegar aos 2.000 socios, obxectivo do Teucro nunha ambiciosa campaña de abonados
Por Diego Espiño
A Sociedad Deportiva Teucro desvelou este mércores una das principais incógnitas de cada verán, o prezo dos abonos para a próxima tempada, na que regresará á máxima categoría do balonmán nacional.
Os prezos serán "similares" aos da pasada campaña, con lixeira subida na categoría xuvenil ou de estudantes e bonificados pero con idéntica cota para o público adulto.
"Queremos involucrar a la comarca", asegurou o presidente azul, Carlos García-Alén, que marcou un amicioso obxectivo para a campaña de socios, alcanzar a cifra de 2.000 abonados (o último ano foron 1.146 as persoas que retiraron o seu carné).
"Nos va a costar mucho llegar a los 2.000 pero creo que es posible", defendeu o dirixente coa intención de "obtener unos recursos importantes" para a entidade e de paso aumentar a cifra de asistencia media aos encontros que se disputen no Pavillón Municipal dos Deportes.
Desta forma, o prezo dos carnés será o seguinte:
CATEGORÍA | PRECIO |
Infantil | 15 euros |
Xuvenil | 35 euros |
Xubilados, estudantes e parados | 60 euros |
Senior | 100 euros |
Familiar | 180 euros |
Protector | 275 euros |
Os abonos darán dereito a presenciar todos os partidos da Liga Asobal, e poderán retirarse nas oficinas do club no Pavillón Municipal dos Deportes de 9:00 a 13:00 horas ou contactando coa entidade a través do correo electrónico socios@teucro.com.
A idea da campaña de socios, cuxo lema é 'Acompáñanos', é homenaxear a toda a familia teucrista e á base do club, que estará reflectida nos carnés cunha imaxe de Diego Torrado, fotógrafo de PontevedraViva.
Relacionadas:
-
Seis partidos confirmados para a pretempada teucrista
Por Redacción |
-
Condes de Albarei-Teucro, nova denominación do equipo tras asinar un "importante" acordo de patrocinio
Por Diego Espiño |
-
Asobal dá o OK á documentación presentada polo Teucro para competir na máxima categoría
Por Diego Espiño |
-
Edu Moledo renova por unha tempada co Teucro
Por Redacción |
-
Renovación de Iván Fernández nun Teucro que ten case perfilado o seu plantel
Por Redacción |
-
O brasileiro Bruno de Castro, reforzo dun Teucro que camiña cara a internacionalización
Por Redacción |
-
A fichaxe do cubano Yoan Balázquez polo Teucro, pendente do recoñecemento médico
Por Diego Espiño |
-
Laura del Castillo, nova responsable da base do Teucro
Por Redacción |