O Breogán do Grove acaba terceiro no Campionato de España Sprint de Verducido
Por Redacción
Despois de tres días de intensa competición este domingo botou o peche o XLIX Campionato de España Sprint Senior, Sub-23 e Xuvenil de piragüismo celebrado na pista David Cal Pontillón do Castro de Verducido.
O piragüismo galego e pontevedrés foi protagonista, co Breogán do Grove como máximo expoñente ao ser terceiro na clasificación por equipos tras outro club da provincia como o Kayak Tudense e o vencedor absoluto, o Piragüismo Aranxuez.
No medalleiro o club meco sumou ata 16 metais (6 ouros, 9 pratas e 1 bronce), sendo segundo nesa clasificación, mentres en oitavo lugar desta táboa aparace o Piragüismo Poio Pescamar (4 ouros, 3 pratas e 2 bronces).
Na última xornada de competición, celebrada durante a matinal do domingo, destacou o triunfo de Jenifer Casal e Antía Jácome (Ciudad de Pontevedra) en C-2 200 metros, mentres o Piragüismo Poio impúxose no C-4.
Con estes resultados o Breogán queda terceira na clasificación xeral da Liga Hernando Calleja, proclamándose ademais campión da Copa da Raíña (o Tudense foi campión da Copa do Rei) e da II Liga Feminina.
En Verducido competiron durante tres días máis de 700 deportistas de 79 clubs de toda España. Consulta aquí os resultados completos do campionato.
Relacionadas:
-
Un sexto posto no C-1 200 pecha a participación de Adrián Sieiro no Europeo
Por Redacción |
-
Esforzo sen recompensa para Adrián Sieiro e Sergio Vallejo na final europea de C-2 1.000
Por Redacción |
-
Adrián Sieiro e Sergio Vallejo, á final europea pola vía rápida
Por Redacción |
-
Ilusións europeas para o piragüismo pontevedrés en Bulgaria
Por Redacción |
-
Diego Romero e Adrián Sieiro, protagonistas no inicio do Nacional de piragüismo
Por Redacción |
-
A elite do piragüismo nacional reúnese durante tres días en Verducido
Por Diego Espiño |
-
Raquel Torres e Manuel Fontán, seleccionados para o Festival Olímpico da Xuventude
Por Redacción |