A natación galega é cousa do Galaico
Por Redacción
Unha vez máis o Club Natación Galaico demostrou ser, neste momento, o mellor club galego ao arrasar no Campionato Galego de Verán celebrado no Complexo Deportivo Rías do Sur.
Os pontevedreses fixéronse polo título por equipos nas tres categorías: absoluta, junior e infantil. Ademais foron o mellor equipo en categoría absoluta tanto masculina como feminina.
Despois de catro días de competición na piscina olímpica de Pontemuíños, o Galaico concluíu este domingo cun total de 1.221 puntos na máxima categoría, dobrando mesmo ao segundo clasificado, o Pabellón Ourense (608 puntos), e sendo terceiro eo CN Riveira (543,5 puntos).
En idade junior o club pontevedrés dominou con 591 puntos, superando a Portamiña de Lugo (530 puntos) e CN Liceo (512 puntos), mentres na categoría infantil acumularon 504,5 puntos para vencer a Club del Mar (479,5 puntos) e Portamiña (413,5)
Durante todo o campionato puido verse a moitos nadadores mellorar as súas marcas e mesmo se rexistrou algún record galego. Un deles foi a remuda 4x100 libre do Galaico, que estableceu un tempo de 3:54.86 con Antía García, Clara Otero, Bea Gómez e Águeda Cons como relevistas.
Todo un reforzo ao traballo do club pontevedrés antes de afrontar durante o resto do verán os diferentes campionatos nacionais.
Relacionadas:
-
Entretido arranque do Campionato Galego de natación en Pontemuíños
Por Redacción & Mónica Patxot |
-
A piscina de Pontemuíños, lista para acoller a gran cita da natación galega
Por Diego Espiño |
-
VÍDEO.- Cálido recibimento a Águeda Cons tras as súas tres medallas no Europeo Junior de natación
Por Diego Espiño & Mónica Patxot |