Diego Romero e Adrián Sieiro, protagonistas no inicio do Nacional de piragüismo
Por Redacción
A pista de piragüismo David Cal Pontillón do Castro foi escenario este venres da primeira xornada do Campionato de España de Sprint Olímpico, na que Diego Romero e Adrián Sieiro foron dous dos grandes protagonistas.
Romero (Breogán do Grove) levou a medalla de ouro no C-1 1.000 metros ao superar na final a Manuel Martín (Náutico de Sevilla) e a Daniel Durán (Kayak Tudense).
Pola súa banda na canoa de 500 metros impúxose Adrián Sieiro (Piragüismo Poio Pescamar), con David Marqués e Gonzalo Martín na segunda e terceira posición respectivamente.
Ademais de na categoría senior, en idade xuvenil o piragüismo pontevedrés foi protagonista. Francisco Silva (Piragüismo Portonovo) facíase co ouro no K-1, mentres Carolina García (E.P. Ciudad de Pontevedra) tamén gañaba a súa proba. Tamén o podio na final de canoa foi pleno coa vitoria de Pablo Requejo (Piragüismo Poio), segundo posto de Noel Domínguez (Breogán) e terceiro de Yerai García (Piragüismo Illa de Arousa).
No podio tamén estiveron María Pérez (Náutico O Muiño) cun bronce, do mesmo xeito que Luís Rodríguez (Portonovo) no K-1 xuvenil ou Noel Domínguez (Breogán) e Pablo Rodríguez (Poio), segundo e terceiro na canoa xuvenil.
O primeiro día de competición deixa como líder provisional do campionato ao Club Kayak Tudense con 529 puntos. En segundo lugar está o Club Breogán do Grove empatado a 363 puntos coa Escuela de Piragüismo Aranjuez.
O Campionato de España de Sprint Olímpico continuará o seu curso en Verducido ata o vindeiro domingo 9 de xullo.
Relacionadas:
-
Esforzo sen recompensa para Adrián Sieiro e Sergio Vallejo na final europea de C-2 1.000
Por Redacción |
-
Adrián Sieiro e Sergio Vallejo, á final europea pola vía rápida
Por Redacción |
-
Ilusións europeas para o piragüismo pontevedrés en Bulgaria
Por Redacción |
-
O Breogán do Grove acaba terceiro no Campionato de España Sprint de Verducido
Por Redacción |
-
A elite do piragüismo nacional reúnese durante tres días en Verducido
Por Diego Espiño |
-
Raquel Torres e Manuel Fontán, seleccionados para o Festival Olímpico da Xuventude
Por Redacción |
-
Tono Campos e José Manuel Sánchez revalidan o seu título de campións europeos de piragüismo maratón
Por Redacción |
-
Tono Campos e Jenifer Casal, primeiras medallas pontevedresas no Europeo de piragüismo maratón
Por Redacción |