O Froiz, co Campionato de España entre cella e cella
Por Redacción
Soria será escenario durante toda a fin de semana, desde o venres 23 ata o domingo 25 de xuño, do Campionato de España de Ciclismo en Ruta, onde estará ben respresentado o Grupo Deportivo Supermercados Froiz.
A escuadra alimenticia acode á cita coa ilusión de facer un bo papel. Especial mención merece Martín Bouzas, que buscará revalidar o seu título de campión nacional contrarreloxo sub-23 nunha modalidade que se disputará desde as 10:00 horas deste venres.
Bouzas cre que o circuíto deseñado de 18,9 quilómetros "adáptase ben ás miñas condicións", polo que se mostra confiado nas súas posibilidades.
Ademais o ciclista do Froiz representará a Galicia o sábado na proba de fondo sub-23, na que tamén estarán presentes Alejandro Regueiro e Antonio Portela, afrontando un percorrido de 145,8 quilómetros con tres voltas a un mesmo circuíto.
A participación do Froiz pecharana o domingo Pedro Merino, Jesús Merino, Ismael Barba e Miguel Gómez, todos eles de categoría elite e que compartirán carreira en ruta cos profesionais nun percorrido de 207 quilómetros na que a principal dificultade montañosa será a ascensión ao Porto de Oncala.
Relacionadas:
-
Bronce para Martín Bouzas no Campionato de España Contrarreloxo Sub-23
Por Redacción |
-
O mundo do ciclismo rinde homenaxe a Evaristo Portela na primeira edición da 4 Picos Road
Por Diego Espiño & Diego Torrado |
-
Pedro Merino e Martín Bouzas gañan ao sprint o campionato galego de ciclismo
Por Redacción & Diego Torrado |
-
Martín Lestido prolonga o seu bo momento cun terceiro posto na Vuelta a Alicante
Por Redacción |