Cita para os afeccionados ao motor coa XX edición da Subida Cidade de Pontevedra
Por Diego Espiño
Vinte anos non se cumpren todos os días, por iso a Subida Cidade de Pontevedra pretende converter a súa XX edición en toda unha festa do motor.
A popular proba, puntuable para o Campionato Galego de Montaña, disputarase o sábado 24 e o domingo 25 de xuño no seu percorrido habitual, na estrada que une Pintos (Marcón) ata o polígono instrial do Campiño.
Unha das poucas variacións será a meta, instalada precisamente no Campiño en lugar da Reigosa, como os dous anos anteriores, cun percorrido de 3.110 metros de lonxitude.
A Escudería Cidade de Pontevedra reforzará a seguridade da proba con comisarios repartidos ao longo do tramo, pero fai un chamamento ao público para "que faga caso aos comisarios de ruta e se poña en sitios altos", pediu o seu presidente, Florentino Leiro.
Para celerbrar os seus 20 anos de vida, a proba automobilística contará coa presenza do pontevedrés Martín Tilve, piloto especialista en drift, "que dará un pouco de espectáculo".
A XX Subida Cidade de Pontevedra arrincará o sábado 24 ás 16:00 horas co primeiro adestramento oficial, tras o que se completarán as dúas primeiras mangas de competición. O domingo, a actividade retomarase ás 9:30 horas con outra pasada de adestramentos antes das dúas mangas finais da Subida.
As verificacións previas desenvolveranse no peirao das Corbaceiras, mentres o parque pechado cos preto de 60 vehículos participantes estará instalado un ano máis na céntrica Praza de España.
Entre os grandes favoritos, o actual campión galego Alexis Viéitez quere facer valer a súa condición de local para lograr a que sería a súa terceira vitoria consecutiva en Pontevedra. "Es la de casa y es especial, además llevamos dos años seguidos ganándola y vamos a ver si conseguimos el tercero", sinalou o piloto na presentación da Subida celebrada este martes no Concello de Pontevedra coa presenza tamén da concelleira de Deportes, Anxos Riveiro.
Relacionadas:
-
Alexis Viéitez confirma o seu dominio e adxudícase a súa terceira Subida Cidade de Pontevedra consecutiva
Por Diego Espiño & Diego Torrado |
-
Os motores roxen en Marcón na primeira xornada da XX Subida Cidade de Pontevedra
Por Diego Espiño & Diego Torrado |
-
A Subida a Ponte Caldelas terá segunda edición en agosto
Por Redacción |
-
Jesús Pombo leva unha vibrante Subida á Escusa
Por Redacción & Diego Torrado |
-
Alexis Viéitez confirma o seu triunfo na XIX Subida Cidade de Pontevedra
Por Diego Espiño |
-
Alexis Viéitez domina a Subida Cidade de Pontevedra tras unha vistosa primeira xornada
Por Diego Torrado |