Primeiras fichaxes no Pontevedra, que renova ademais a Edu Sousa e Añón
Por Diego Espiño
A semana comezou con movemento nas oficinas do Estadio Municipal de Pasarón, co Pontevedra confirmado os tres primeiros fichaxes do seu novo proxecto deportivo e tamén dúas renovacións.
Os que continuarán un ano máis vestindo a camiseta granate serán o gardameta Edu Sousa e o atacante David Añón, ao chegar finalmente a un acordo co club despois de varios días de tira e afrouxa.
A intención de ambos era continuar desde o principio, pero pequenas diferenzas atrasaron o acordo ata máis aló da data límite posta polo propio Pontevedra, que expirou o pasado venres. Desta forma Edu cumprirá a súa sexta tempada na cidade de Lérez, convertido nun dos xogadores con máis minutos do plantel e nun dos capitáns do equipo, mentres Añón afrontará a súa segunda campaña como granate.
Seguen sen haber acordo cos tres últimos futbolistas aos que se lles ofreceu continuar. Son os casos de Bruno Rivada, Jacobo Trigo, Bonilla e Abel, sendo o primeiro deles o máis próximo a un acordo, aínda que segundo o exposto no seu momento polos responsables do Pontevedra, unha vez excedido o prazo o club comezou a valorar opcións para sustituírlos sen outorgarlle prioridade a eles para continuar.
PRIMEIROS TRES FICHAXES
Ao mesmo tempo que as renovacións, o Pontevedra confirmou tres incorporacións, as de Marcos Álvarez, Jon Etxániz e David Castro.
O primeiro deles, Marcos Álvarez, é un futbolista coruñés (natural de Ortigueira), cuxa zona de actuación no terreo de xogo é o costado destro na liña ofensiva. Procede do Club Deportivo Boiro, onde a pasada tempada xogou 29 partidos entre liga e copa anotando dous goles. Aos seus case 29 anos ten unha ampla experiencia na Segunda División B en clubs como a Cultural Leonesa, o Coruxo ou o Racing de Ferrol.
Tamén ofensivo é o reforzo de Jon Etxániz, dianteiro de 26 anos de idade que chega a Pasarón procedente do Guernika vasco, no que na liga recentemente concluída anotou 13 tantos no Grupo II da Segunda División B. Anteriormente militara en clubs como Leioa, Tudelano, Barakaldo ou o filial do Athletic Club bilbaíno.
Por último, cun perfil completamente diferente, o Pontevedra fichou ao futbolista cuntiense David Castro, lateral zurdo de 21 anos con pasado na canteira granate, concretamente no equipo xuvenil, e que a pasada campaña militou no Céltiga en Terceira División. Pode actuar tamén como central e ocupará unha das fichas sub-23 obrigatorias no plantel pola normativa da Real Federación Española de Fútbol.
Todos eles asinarán un contrato dunha tempada de duración, segundo confirmou o club pontevedrés.
Relacionadas:
-
Dobre fichaxe no Pontevedra, que se fai cos servizos de Miguel Ángel e Carlos Ramos
Por Diego Espiño |
-
Acordo con Bruno Rivada para a súa renovación
Por Diego Espiño |
-
David Goldar, reforzo do Pontevedra para o eixo central da defensa
Por Diego Espiño |
-
O central Víctor Mongil e o porteiro Anxo Pérez, novos xogadores do Pontevedra
Por Diego Espiño |
-
Adrián León súmase ás fichaxes anunciadas polo Pontevedra
Por Diego Espiño |
-
Álex González, terceiro futbolista en aceptar a renovación
Por Diego Espiño |
-
O Deportivo visitará Pasarón na pretempada
Por Redacción |
-
Iker Alegre e Miguel Loureiro non aceptan a proposta do Pontevedra e causan baixa
Por Diego Espiño | Creada e actualizada
-
Jacobo Millán, Adrián Gómez e Santi Canedo non seguirán no Pontevedra
Por Ramiro Espiño |
-
O Pontevedra comunica as primeiras baixas e traslada oferta de renovación a seis futbolistas
Por Diego Espiño |