Dez anos de Carreira Pedestre de Campañó
Por Diego Espiño
Quenda para a cuarta cita do calendario no Circuíto de Carreiras Populares de Pontevedra, unha Carreira Pedestre de Campañó que chega a unha cifra redonda coa súa décima edición.
A organización espera a presenza de máis de 700 deportistas, entre a proba absoluta e as carreiras de categorías inferiores, nun evento que terá lugar o vindeiro sábado 27 de maio coa súa característica habitual, a dureza.
"A proba de Campañó sempre foi dura", explicou na presentación José María Domínguez, representante de Asociación Cultural e Deportiva de Campañó.
Serán 8.500 metros de percorrido, con dúas voltas a un circuíto no que "volvemos recuperar a famosa costa do descanso eterno, no cemiterio", explicou Domínguez.
As carreiras de categorías inferiores comezarán ás 17:40 horas e a proba absoluta ás 19:00 horas, con saída diante da Casa de Cultura.
A presentación da X Carreira Pedestre de Campañó celebrouse este martes no Concello de Pontevedra coa presenza tamén da responsable municipal de Deportes, Anxos Riveiro.
Relacionadas:
-
Víctor Riobó e Leticia Fernández reinan na dureza da Carreira Pedestre de Campañó
Por Diego Espiño & Diego Torrado |
-
Monte Porreiro, barrio de 'runners'
Por Diego Espiño & Diego Torrado |
-
Elías Domínguez e Mari Ángeles Castro vencen na espectacular estrea da Urban Trail Night
Por Diego Espiño & Diego Torrado |
-
A PonteNoite 5+5 trasládase a xullo e intégrase na iniciativa Ponle Freno
Por Diego Espiño |
-
Víctor Riobó e Mari Ángeles Castro, gañadores nunha carreira de San Brais pasada por auga
Por Alejandro Espiño & Diego Torrado |