O Galaico, favorito a pesar das baixas na final da División de Honra Galega de natación
Por Redacción
Revalidar o título que lle acredita como mellor club galego é o obxectivo do Club Natación Galaico na final da Liga Galega de División de Honra que se celebrará na piscina olímpica de Pontemuiños o vindeiro sábado 29 de abril.
O club pontevedrés gañou o dereito a organizar a xornada definitiva tras impoñerse na fase regular, e a pesar de contar con importantes ausencias perfílase como o principal favorito da competición.
Non estarán na fase final nomes destacados como Águeda Cons e Bea Gómez, concentradas co equipo nacional, e tampouco Marc Ciurana, que tras a súa participación no Campionato de España Open foi operado e tamén perderá a cita.
En Pontemuiños citaranse seis clubs galegos e un total de 134 nadadores, sendo o Pabellón Ourense e o Club Natación Ferrol os outros aspiranmtes ao título, mentres Natación Liceo, Club de Mar San Amaro e Club Natación Arteixo loitarán por evitar o descenso a Primeira División.
A competición, con entrada de balde para o público, iniciarase ás 10:30 horas na xornada matinal e ás 17:00 horas na sesión de tarde.
Relacionadas:
-
O Galaico revalida o título de campión da Liga Galega de División de Honra
Por Redacción & Cristina Saiz |
-
Paula Goyanes e Águeda Cons, de concentración co Equipo Nacional
Por Redacción |
-
O Galaico fai un balance "más que positivo" do Open de natación e xa pensa en atraer novos campionatos de nivel
Por Diego Espiño |
-
Un bronce nos 400 libre de Águeda Cons pon o broche ao vibrante Nacional Open de Pontemuiños
Por Diego Espiño & Mónica Patxot |
-
Mínima europea junior para Águeda Cons nun novo festival de Mireia Belmonte
Por Diego Espiño & Mónica Patxot |