Adrián Sieiro, protagonista da Copa de España de 1.000 metros en Trasona
Por Redacción
Gran resultado o logrado por Adrián Sieiro no encoro asturiano de Trasona, no que se doutorou en distancia olímpica ao conseguir un dobrete na Copa de España de Piragüismo en Augas Tranquilas.
O padexeiro pontevedrés do Piragüismo Poio logrou por primeira vez a medalla de ouro en dúas probas na categoría absoluta, ao impoñerse no C-1 e no C-2 1.000 metros.
Na canoa individual Sieiro liderou a regata e impúxose cun tempo de 4 minutos e 11 segundos a Brais Casas (Kayak Tudense) e a Diego Romero (Breogan do Grove). Ademais impúxose na mesma distancia no C-2 xunto ao seu compañeiro Sergio Vallejo, ao superar de maneira axustada a Brais Casas e José Luis Bouza (Kayak Tudense) e por máis marxe a Diego Romero e José Manuel Sánchez (Breogán), segundos e terceiros respectivamente.
Os resultados foron moi positivos para o piragüismo pontevedrés, cun segundo posto do Breogán do Grove na categoría feminina grazas, entre outras probas, á medalla de prata no kaiak de Tania Álvarez e Natalia García.
En idade xuvenil chegaron tamén boas noticias con Luís Rodríguez (Piragüismo Portonovo), segundo no K-1 gañando o dereito para acudir ao campionato do Mundo da súa categoría. Ademais Carolina García (Ciudad de Pontevedra) foi segunda no K-1, María Pérez (O Muíño) levou o ouro no C-1 por diante de Antía Jácome (Ciudad de Pontevedra) e Noel Domínguez (Breogán) e Pablo Rodróguez (Poio) entraron segundo e terceiro no C-1 1.000 masculino.
En barcos dobres Luís Rodríguez e Francisco Silva (Portonovo) lograron o ouro no kaiak e Noel Domínguez e Juan Ortiz (Breogán) foron bronce na canoa.
Por último, nas probas de embarcacións K-4 e C-4, o Piragüismo Poio venceu na canoa senior masculina e o Breogán foi terceiro no kaiak feminino, e en categoría xuvenil o K-4 do Piragüismo Portonovo foi segundo nos 1.000 metros e primeiro nos 500 metros redondeando un gran resultado para o piragüismo pontevedrés.
Relacionadas:
-
Quinto posto para Adrián Sieiro e Sergio Vallejo na Copa do Mundo de Szeged
Por Redacción |
-
Adrián Sieiro renunciará a competir no C-1 do Europeo de piragüismo
Por Diego Espiño |
-
Dobre billete europeo para Adrián Sieiro tras impoñerse no selectivo de Trasona
Por Redacción |
-
Trasona proba o nivel do piragüismo pontevedrés no primeiro selectivo da tempada
Por Redacción |
-
Atrasos no pagamento da Xunta empuxan á Federación Galega a cortar a auga quente no Pontillón do Castro
Por Redacción | Creada e actualizada
-
O Ciudad de Pontevedra, profeta na súa terra na Copa de España de piragüismo maratón
Por Redacción & Diego Torrado |
-
Ciudad de Pontevedra e Verducido Pontillón brillan no Nacional de Xóvenes Promesas de piragüismo
Por Redacción |