Poio, a un paso de acoller a Copa de España de fútbol sala feminino
Por Redacción
Deportivamente o Poio Pescamar está preto de pechar a súa mellor tempada na máxima categoría do fútbol sala feminino nacional, que tras a ampliación a oito equipos da Copa de España pode permitirlle participar por primeira vez neste torneo.
O club vermello quere ademais gozalo na súa casa, o pavillón da Seca, e tras reunirse co Concello e coñecer o apoio da Federación Galega, presentou oficialmente a súa candidatura para organizar o evento.
A direciva pontevedresa xa mostrara noutras ocasións a súa ilusión de ser sede da Copa de España, pero agora está máis preto de converterse en realidade ao ser por agora a única proposta en firme recibida pola Real Federación Española de Fútbol.
Agora só falta que o organismo federativo confirme a Poio como sede antes de que comecen os preparativos dunha competición que promete espectáculo e que se disputaría presumiblemente a segunda fin de semana do mes de xuño cunha fase final a partido único desde os cuartos de final.
A nivel deportivo, ademais de asegurar a clasificación, o Poio Pescamar plantexa como obxectivo ser como mínimo o sexto equipo na liga para evitar no primeiro cruzamento de Copa aos dous cocos da competición, Atlético Navalcarnero e Universidad de Alicante.
Relacionadas:
-
Oficial: a Copa de España de fútbol sala feminino xogarase en Poio
Por Diego Espiño & Mónica Patxot |
-
Poio Pescamar especialízase en gañar aos grandes e tamén supera ao Alcorcón (1-0)
Por Redacción |
-
Unha ponte festiva para a ilusión no Poio Pescamar
Por Redacción |
-
Badalada do Poio Pescamar que termina coa imbatibilidade do líder Atlético Navalcarnero (1-2)
Por Redacción |
-
O Poio Pescamar arranca coa venda de entradas para as finais da Copa Xunta
Por Redacción |
-
A copa máis preto para o Poio Pescamar ao impoñerse a Cidade das Burgas (4-2)
Por Redacción |