Triunfo final para Fernando Echávarri no Trofeo Princesa Sofía de vela
Por Redacción
O debut no novo ciclo olímpico foi o mellor posible para o pontevedrés Fernando Echávarri e a canaria Tara Pacheco na clase Nacra 17 de vela.
Na súa primeira competición tras os Xogos de Río de Janeiro, o 48 Trofeo Princesa Sofía, proclamáronse vencedores finais ao ter que cancelarse a última xornada de regatas na súa clase polo exceso de vento.
"Es la primera regata del ciclo olímpico y haber hecho un buen papel es importante para empezar con ánimos el ciclo. Nos hubiese gustado salir de la final ganando, pero nos quedamos con toda la semana, en que hemos hecho un buen trabajo", sinalou o pontevedrés tras a vitoria.
Desta forma a clasificación coa que se chegaba á Medal Race, sexto e último día de competición, foi a definitiva. Echávarri e Pacheco remontaron posicións tras as primeiras xornadas entrando no podio o mércores e chegando á regata polas medallas na primeira posición con 16,45 puntos de vantaxe sobre os subcampións, os británicos John Gimson e Anna Burnet. Completaron o podio os daneses Lin Cenholt e Christian Peter Lubeck.
Relacionadas:
-
Prata mundial para Fernando Echávarri e Tara Pacheco na clase Nacra 17 de vela
Por Redacción |
-
Fernando Echávarri recibirá en Baiona o Premio Nacional de Vela
Por Redacción |
-
Fernando Echávarri e Tara Pacheco, ouro na final da Copa do Mundo de vela
Por Redacción |
-
Fernando Echávarri e Tara Pacheco repiten vitoria na Copa do Mundo de Hyeres
Por Redacción |
-
Grande arranque de Fernando Echávarri e Tara Pacheco na Copa do Mundo de Hyeres
Por Redacción |
-
Fernando Echávarri axexa o podio no Trofeo Princesa Sofía de vela
Por Redacción |
-
Despedida cruel para Fernando Echávarri ao quedar a un paso da Medal Race
Por Redacción |