O Alarcos de Cidade Real visita a un Teucro que aínda ten "tarea por delante" para conseguir o ascenso
Por Diego Espiño
"Aún no nos vemos en Asobal", avisa Quique Domínguez antes de recibir este sábado (20:30 horas) no Pavillón Municipal dos Deportes ao Alarcos de Cidade Real .
O Teucro ten na súa man dar un paso máis cara á máxima categoría pero "sabemos que aún tenemos tarea por delante y puntos que conseguir", setencia o técnico pontevedrés.
Quique Domínguez: "Sabemos que aún tenemos tarea por delante y puntos que conseguir"
Terán ademais a "un buen equipo" como rival, un Alarcos que apura as súas opcións para tentar entrar no play-off de ascenso.
"Lo que tenemos que controlar es la sensación que hay alrededor de que ya estamos ascendidos", incide Domínguez, que conta con todo o plantel dispoñible para a cita salvo o lesionado Johnny Medina.
Tanto o adestrador teucrista como David García Pichel esperan que forneza efecto a campaña de 'ilusionina' lanzada polo club, con entrada gratuíta para os menores de 15 anos, e que o Municipal presente o ambiente das grandes citas para axudar ao equipo, que aínda lembra que "allí nos costó muchísimo ganar", recoñeceu o lateral azul.
O Teucro aproveitará para presentar a todos os equipos da base no tempo de descanso dun encontro que será arbitrado polos madrileños Miranda Bedate e San Pedro Colorado.
Relacionadas:
-
O Teucro complícase e sofre ao final pero dá outro paso de xigante gañando a Alarcos (32-31)
Por Ramiro Espiño & Diego Torrado |
-
O Teucro premia o rendemento de Johnny Medina renovándoo a pesar da súa lesión
Por Redacción |
-
Encher o Municipal, obxectivo do Teucro no sprint final cara ao ascenso
Por Redacción |
-
Paso de xigante do Teucro que gaña en Córdoba (22-25) e aprovéitase da derrota de Palma del Río
Por Redacción |
-
A 'ilusionina' contaxia o Teucro con importantes descontos para os tres últimos partidos de liga
Por Diego Espiño |