Viaxe de balde para acompañar o Pontevedra no Toralín
Por Redacción
Coa épica remontada ante o Tudelano aínda na retina, o Pontevedra quere máis e proponse deixar sentenciada canto antes unha clasificación para o play-off de ascenso a Segunda División que ten xa moi preto.
Neste sentido no club granate son conscientes da importancia que ten o choque que disputarán o vindeiro domingo (18:00 horas) no campo dun rival directo, a Ponferradina, que quedaría descartada da pelexa en caso de triunfo pontevedrés, e por iso decidiron facilitar o desprazamento dos seus afeccionados.
O Pontevedra anunciou que fretará un autobús para os seguidores que queiran acompañar ao equipo no Toralín.
A viaxe será totalmente de balde, polo que os que anoten deberán abonar soamente o custo da entrada, fixada en 15 euros para os maiores de 6 anos.
O autocar partirá o mesmo día do partido ás 9:00 horas desde o Fondo Sur do Estadio Municipal de Pasarón para regresar á conclusión do partido, podendo os interesados inscribirse nas oficinas do club (de 9:00 a 14:00 e de 16:00 a 19:00 horas) ata completar prazas e con data límite as 14:00 horas do venres.
KEVIN PRESA, SANCIONADO
Non estará en Ponferrada co resto do equipo Kevin Presa, que se perderá o encontro por sanción ao ver ante o Tudelano a súa décima amoestación da tempada. Ademais haberá que esperar a ver a evolución das molestias coas que Portela concluíu o partido. No apartado positivo, Luisito recuperará para a cita a Miguel Loureiro e Bonilla tras as súas respectivas sancións e espera poder contar con Mario Barco tras dous partidos fose do equipo por probelmas musculares.
Relacionadas:
-
Mateu falla un penalti e o Pontevedra deixa escapar a ocasión de descartar á Ponferradina (1-0)
Por Redacción |
-
"A morte" a Ponferrada e con todo o plantel
Por Diego Espiño |
-
Ante a Cutural Leonesa, en sábado
Por Redacción |
-
Mario Barco, listo para volver ao equipo en Ponferrada
Por Diego Espiño |
-
A Ponferradina, un rival en cadro e ferido para recibir ao Pontevedra
Por Diego Espiño |
-
A fe e a ambición dá a remontada ao Pontevedra sobre o Tudelano, con gol de Bruno no desconto (2-1)
Por Ramiro Espiño & Diego Torrado |