Brillante debut de Carmen Gómez en distancia olímpica cun bronce na Copa de Europa
Por Diego Espiño
Era a súa primeira carreira internacional de tríatlon en idade sub-23, o seu debut ademais na distancia olímpica, e a estrea non puido ser máis satisfactorio demostrando a súa enorme progresión.
Carmen Gómez Cortés subiu ao podio absoluto da Copa de Europa de Gran Canaria, celebrada este domingo nas Palmas, ao ser terceira na liña de meta.
A triatleta pontevedresa completou os 1.500 metros de natación, 40 quilómetros de ciclismo e 10 quilómetros de carreira a pé en 2 horas, 4 minutos e 15 segundos, con 10 segundos de vantaxe sobre a italiana Giorgia Priarone.
A británica Jessica Learmonth (2:01:29) foi a gran dominadora da proba. Apenas cedeu nalgúns instantes a cabeza da carreira elite feminina á súa compañeira Lucy Hall (2:03:25), que se fixo coa prata.
Carmen Gómez: "Estoy super contenta, aún no me lo creo"
Carmen Gómez saíu da auga no grupo perseguidor das dúas británicas e mantívose durante todo o ciclismo preto da cabeza, mantendo intactas unhas opcións de podio que tivo que defender con uñas e dentes no último sector, a carreira a pé, no que soubo dosificar os seus esforzos e a vantaxe que atesourara para terminar no terceiro posto.
"Estoy super contenta, aún no me lo creo", recoñeceu, xa que este resultado supón "un chute de adrenalina para seguir entrenando y progresando", sinalou en declaracións á Federación Española de Tríatlon despois da que era a súa primeira carreira da tempada.
Relacionadas:
-
Carmen Gómez, lonxe dos primeiros postos na Copa de Europa de Gran Canaria
Por Redacción |
-
Unha Carmen Gómez tocada, a probar sorte no Europeo sub-23 de tríatlon
Por Alejandro Espiño |
-
Carmen Gómez Cortés, prata no campionato de España de acuatlón
Por Redacción |
-
Pontevedra espera "unha nova invasión do tríatlon" co Campionato de España por Clubs
Por Diego Espiño |
-
Pelexado vixésimo primeiro posto de Carmen Gómez no Mundial Junior de tríatlon
Por Redacción |
-
Inés Santiago e Antonio Serrat proclámanse en Pontevedra campións galegos de tríatlon
Por Diego Torrado |
-
Hamburgo, primeira experiencia de Carmen Gómez nas Series Mundiais de tríatlon
Por Redacción |