Águeda Cons pecha o Campionato de España Junior coa súa segunda mínima mundialista
Por Diego Espiño
Volveuno facer. Na última xornada do Campionato de España Junior de Natación en Xixón a pontevedresa Águeda Cons certificou a que é a súa segunda mínima para o Campionato do Mundo da categoría, que se celebrará o próximo mes de agosto na universidade estadounidense de Indiana.
Despois da súa medalla de ouro e marca mínima nos 800 libre, conseguida o pasado domingo, Águeda repetiu este martes na proba de 400 libre, na que logrou un gran rexistro de 4:14.11 para baixar en máis dun segundo o tempo que lle facía falta (4:15.33).
A nadadora do Galaico superou con solvencia á segunda clasificada e fíxose coa que é a súa cuarta medalla no Nacional.
Aos dous ouros de Águeda Cons súmanse as medallas conseguidas polo equipo de remudas do club pontevedrés coa propia Águeda, Inés Gómez, Clara Otero e Nuria Erselle, xa que despois de impoñerse ao comezo do campionato no 4x200 fixo dobrete co primeiro posto no 4x100 libre, proba na que marcaron un tempo de 3:57.58.
Relacionadas:
-
Mireia Belmonte, estrela absoluta da emocionante primeira xornada do Nacional Open de natación
Por Diego Espiño |
-
Todo listo en Pontemuiños para acoller o "evento estrella de la natación española"
Por Diego Espiño |
-
Volve a festa da natación de base co XII Trofeo Promesas do Lérez
Por Diego Espiño |
-
Ouro, mínima europea e mundialista para Águeda Cons no Nacional Junior
Por Redacción |
-
Águeda Cons, ao asalto das mínimas para o Campionato do Mundo Junior
Por Diego Espiño |
-
Póvoa de Varzim e Castelló, escenario de bos resultados para o Galaico
Por Redacción |
-
Conceden a Pontevedra a organización o Campionato de España Open Absoluto de Primavera de natación
Por Diego Espiño |