Dobre cita zamorana para o Froiz
Por Redacción
Descansa unha semana a Copa de España Elite e Sub-23, pero a actividade non decae para o Grupo Deportivo Supermercados Froiz, que centra os seus esforzos en dúas carreiras que terán a provincia de Zamora como escenario.
O equipo ciclista pontevedrés tomará parte o sábado no XXXVI Trofeo Concello de Zamora, unha carreira de 108 quilómetros nos que o terreo chairo e o vento adoitan ser os protagonistas, xa que os corredores só afrontarán dúas ascensións de 3ª categoría.
Sen tempo para repoñerse do esforzo, o Froiz participará tamén o domingo no prestixioso Trofeo Iberdrola, que chega á súa 70 edición con saída ás 12:30 horas desde a localidade de Muelas de Pan. Serán un total de 151,3 quilómetros de constantes subidas e baixadas, nun terreo rompepiernas con cinco cotas de montaña puntuables, incluída a meta no alto de Poblado del Esla.
A segunda das carreiras adáptase ás carácterísticas dunha escuadra alimenticia que presentará un equipo formado por: Pedro Merino, Jesús Merino, Antonio Portela, Miguel Gómez, Ángel de Julián, Ismael Barba e Leonel Coutinho.
Relacionadas:
-
Pedro Merino dálle ao Super Froiz a vitoria no Trofeo Iberdrola en Zamora
Por Redacción |
-
O Froiz recobra moral na Copa de España cun segundo posto de Martín Lestido no Trofeo Guerrita
Por Redacción |
-
Frustrante fin de semana de competición para o Froiz
Por Redacción |
-
Dobre vitoria en Almagro para o Froiz para empezar con bo pé a tempada
Por Redacción |