Águeda Cons, ao asalto das mínimas para o Campionato do Mundo Junior
Por Diego Espiño
Despois de despuntar no Campionato de España Absoluto en Piscina Curta, no que logrou o ouro nos 1.500 libre, chega unha das citas marcadas en vermello no calendario de Águeda Cons.
A nadadora pontevedresa encabeza o equipo do Club Natación Galaico no Nacional Junior que se disputa do 18 ao 21 de marzo en Xixón.
Ademais de partir co obxectivo de pelexar polas medallas, é neste campionato no que debe conseguir as marcas mínimas para o Campionato do Mundo Junior de Indianápolis (EEUU), tempos que xa conseguiu noutras competicións e que agora debe confirmar.
Águeda parte con opcións de conseguilo sobre todo en dúas probas, o 800 libre e o 400 libre. Ademais nadará tamén os 400 estilos e o 200 libre.
Outros seis nadadores completan o equipo que presentará o Galaico en Xixón: Clara Otero (50, 100 e 200 libre, 100 costas, 200 estilos), Carla Goyanes (100 e 200 bolboreta, 200 libre, 400 estilos), Nuria Ersella (100 e 200 libre, 100 costas), Inés Gómez (200 e 400 libre), Cibrán Leal (200 braza) e Pablo Juncal (100 libre).
O club pontevedrés chega ademais con claras opcións nas remudas, co mellor tempo de inscrición no 4x200 e o 4x100 libre en categoría feminina.
Relacionadas:
-
Volve a festa da natación de base co XII Trofeo Promesas do Lérez
Por Diego Espiño |
-
Águeda Cons pecha o Campionato de España Junior coa súa segunda mínima mundialista
Por Diego Espiño |
-
Ouro, mínima europea e mundialista para Águeda Cons no Nacional Junior
Por Redacción |
-
Póvoa de Varzim e Castelló, escenario de bos resultados para o Galaico
Por Redacción |
-
Conceden a Pontevedra a organización o Campionato de España Open Absoluto de Primavera de natación
Por Diego Espiño |
-
Águeda Cons deslumbra en Sabadell con su primer oro en el Nacional de piscina corta
Por Diego Espiño | Creada e actualizada
-
Águeda Cons, obxectivo Tokyo 2020
Por Diego Espiño |