O PRC leva o último derbi da tempada ante o Mareantes (17-29)
Por Redacción
Non era un derbi máis o que disputaron a pasada fin de semana Mareantes e Pontevedra Rugby Club no campo de Monte Porreiro. Era o partido que pechaba a tempada regular na Primeira Galega e por iso había moito en xogo para ambos os dous equipos.
Logo dun choque intenso, igualado e xogado con boa dose de deportividad, o PRC foi o que levou o triunfo por 17-29(B), aínda que con iso non consegue mellorar a súa clasificación.
O Pontevedra Rugby Club concluíu a fase regular na cuarta posición, polo que xogará o play-off polo título autonómico e farao co peor cruzamento posible nas semifinais, ante o campión CR Ferrol que esta campaña mostrouse intratable. A semifinal xogarase en Ferrol a fin de semana do 25 e 26 de marzo.
Pola súa banda o Mareantes, que necesitaba o triunfo para escapar da penúltima posición da táboa, verase obrigado a disputar a promoción pola permanencia na máxima categoría galega, unha eliminatoria que se xogará a dobre partido ante o Fendestas, subcampión da Segunda División, coa ida o 22 ou 23 de marzo a domicilio e a volta a seguinte semana en Pontevedra.
Relacionadas:
-
RADIO.- Pontevedra Rugby Club e Mareantes únense para conseguir un equipo senior feminino
Por Marisa Ciordia |
-
O Mareantes vence en Arteixo e mantense na Primeira División Galega
Por Redacción |
-
O Mareantes golpea primeiro no play-off pola permanencia (28-24)
Por Redacción |
-
O deporte pontevedrés súmase ao San Patricio do Mareantes
Por Diego Espiño |