A permanencia cada vez máis lonxe para o Peixe Galego trala súa derrota en Cáceres (83-67)
Por Redacción
O soño de lograr a permanencia na Liga LEB Ouro está cada vez máis lonxe para un Peixe Galego que sumou en Cáceres a súa quinta derrota consecutiva. Esta situación, unida a un novo triunfo de Magia Huesca e Barcelona, fai que os de Marín se afundan na última praza da clasificación a dúas vitorias dos seus rivais directos cando só restan sete xornadas.
En Cáceres os de Javi Llorente víronse superados claramente no primeiro cuarto polo seu rival (22-10) e foron a remolque todo o encontro.
Sen Andrés Miso, lesionado, Derksen e Mugica asumiron o mando ofensivo do equipo, que se repuxo no segundo parcial para crer ao descanso que a remontada era posible (35-29).
Con todo tralo intermedio os locais puxeron de novo un ritmo alto en ataque que non puido seguir a defensa peixe, deixando o encontro encarrilado (66-49) antes dos últimos 10 minutos.
Pese á mellora defensiva no parcial definitivo a renda era xa moi elevada e o cadro marinense tívose que resignar coa derrota.
Consulta aquí as estatísticas do Cáceres Patrimonio de la Humanidad-Marín Peixe Galego.
Relacionadas:
-
O Peixe Galego dá a sorpresa en Lleida e apura as súas opcións de permanencia (73-79)
Por Redacción |
-
Peixe Galego reduce as súas opcións ao caer fronte ante un Palencia dominador (74-84)
Por Redacción |
-
A lesión de Andrés Miso lastra ao Peixe Galego fronte a Burgos (79-89)
Por Redacción |
-
O Peixe Galego perde na prórroga en Logroño e complica o seu futuro na LEB Ouro (83-77)
Por Redacción |