O piragüismo pontevedrés exhibe o seu bo momento no Campionato Galego de Inverno
Por Redacción
O encoro lucense de Belesar acolleu a primeira gran competición da tempada de piragüismo co Campionato Galego de Inverno, no que os clubs pontevedreses demostraron estar en plena forma despois dunha longa pretemporada.
A competición desenvolveuse sobre a distancia de 5.000 metros e para as categorías cadete, xuvenil, senior e veterano.
Diego Romero (Breogán do Grove), levou o seu terceiro título consecutivo neste campionato no C-1 senior, mentres na categoría feminina de canoa o título foi para Jenifer Casal (EP Ciudad de Pontevedra), con Lara Outón (Breogán) e Raquel Rodríguez (Portonovo) en segundo e terceiro lugar respectivamente. No kaiak feminino Tania Álvarez (Breogán) foi segunda ao ceder no sprint final e Carla Sieiro (Piragüismo Poio) foi terceira.
En idade xuvenil Luís Rodríguez (Piragüismo Portonovo) foi primeiro en kaiak, con Joaquín Igrexas (Verducido) pechando o podio en terceira posición. Tamén gañou Carolina García (EP Ciudad de Pontevedra) sendo terceira Antía García (Illa de Arousa). Ademais en canoa impuxéronse Noel Domínguez (Breogán) e María Pérez (Náutico Ribadumia).
Por último en categoría cadete Raquel Torres (Verducido) gañou en kaiak por diante de dous padexeiras do Ciudad de Pontevedra, Alejandra Manso e Fátima Moreira, mentres Joaquín Iglesias (Verducido) foi terceiro. En canoa pola súa banda Manuel Fontáns (Náutico Ribadumia) fíxose co ouro e María de la Peña e Sara Abilleira (Ciudad de Pontevedra) coparon as dúas primeiras posicións na categoría feminina.
Por equipos, na categoría masculina senior o Club Piragüismo Vilaboa foi segundo e o Club Naval de Pontevedra terceiro, mentres na feminina o Breogán do Grove foi terceiro.
Consulta aquí os resultados completos do Campionato Galego de Inverno de piragüismo.
Relacionadas:
-
O Ciudad de Pontevedra, profeta na súa terra na Copa de España de piragüismo maratón
Por Redacción & Diego Torrado |
-
Ciudad de Pontevedra e Verducido Pontillón brillan no Nacional de Xóvenes Promesas de piragüismo
Por Redacción |
-
A EP Ciudad de Pontevedra pon o foco no Nacional de Novas Promesas de piragüismo
Por Redacción |
-
A liga galega infantil de piragüismo arrinca en Verducido
Por Redacción |
-
Bo papel do piragüismo pontevedrés no Guadalquivir
Por Redacción |
-
O Campionato de España Sprint 2017 de piragüismo, en Verducido
Por Diego Espiño |
-
Posta a punto para o piragüismo galego no Pontillón do Castro
Por Redacción |
-
A Federación obriga á EP Cidade de Pontevedra a pagar polos gastos de asistencia de dúas padexeiras ao Mundial
Por Redacción |