O Arxil lanza a súa nova campaña de captación de socios
Por Redacción
O Club Baloncesto Arxil busca apoios para poder subsistir tras 28 anos traballando polo baloncesto da cidade baixo o lema "Sólo faltas tú ¡Hazte socio!".
O conxunto verde, con máis de 200 xogadoras federadas nas diferentes categorías, asegura que está a ter moitas dificultades para conseguir patrocinios, polo que solicita a implicación de ex-xogadoras, ex-directivos e pais para euro a euro lograr o financiamento necesario para aguantar a tempada.
O prezo dos aboamentos é de 20 euros para os socios individuais e a partir dos 50 para todos aqueles que queiran obter o carné de colaborador da entidade.