Lasesarre enfronta a ilusión do Teucro e as angustias do Barakaldo
Por Diego Espiño
Coa loita por entrar no play-off de ascenso candente, cinco equipos con só un punto de distancia para dúas prazas, gañar a domicilio pode converterse en clave ata final de tempada, principalmente pola fortaleza que están a mostrar na casa a maioría dos equipos.
Con esa intención, a de conseguir o seu segundo triunfo fóra, viaxa a Sociedad Deportiva Teucro, que renderá visita ao Calmec Barakaldo (sábado, 19:00 horas) no Pavillón de Lasesarre.
Un reto difícil ante un equipo vasco que se está a xogar a permenencia na categoría, está a dous puntos do descenso, pero que mellorou sutancialmente na segunda volta. Motivo de peso para que Javier Barrios pida máxima concentración aos seus, "han hecho seis puntos en la segunda vuelta, los mismos que nosotros y están fuertes así que no nos engañemos, además la temporada pasada nos ganaron con mucha holgura".
O adestrador teucrista, que poderá contar con José Manuel Rial, Siscu e Alejandro Pombo a pesar das molestias que arrastran, asegura que manteñen a ilusión por pelexar polos postos de privilexio ata o final de liga, "lo que necesitamos es sumar fuera como mínimo en un partido, si es en este mejor".