O Arosa supera ao Céltiga, triunfo dun bo Ribadumia e derrota na casa do Villalonga
Por Redacción
Tres puntos de ouro conseguiu o Arosa na Lomba no duelo de rivalidade comarcal ante o Céltiga (1-0). Os de Jorge Otero foron superiores nunha disputada primeira metade, pero non lograban superar a resistencia dos da Illa.
A tónica mantívose na segunda metade, cos locais levando a iniciativa do xogo e o Céltiga esperando a súa oportunidade, ata que Monroy a falta de 10 minutos fixo xustiza ao esforzo dos arlequinados.
Defendeuse con acerto ata o final o Arosa para certificar tres puntos que lle manteñen ao axexo da cuarta praza con 46 puntos, a tres do play-off. O Céltiga pola súa banda é décimo quinto con 30 puntos, con tres de vantaxe sobre o descenso.
Consulta aquí o acta do Arosa-Céltiga.
Unha xornada máis Changui resultou decisivo para o Ribadumia, esta vez para asegurar os tres puntos na visita ao campo do pechacancelas, Órdenes (1-3).
Un gol do dianteiro aos 4 minutos achandou o camiño dos aurinegros, que con todo non foron capaces de certificar a súa superioridade ata os últimos minutos de partido, cando sentenciaron. Primeiro foi Changui co seu segundo tanto, no minuto 81, e despois Anxo ao fío do 90 o que finiquitou o choque, marcando xa no desconto o Órdenes o gol da honra.
Con esta vitoria os de David Sierra asentan na zona tranquila da clasificación, ao ser undécimos con 36 puntos.
Consulta aquí o acta do Órdenes-Ribadumia.
Peor lle foron as cousas ao Villalonga, que a pesar de realizar un bo partido ante un dos favoritos ao ascenso, o Deportivo B, acabou cedendo unha derrota no estadio de San Pedro (0-1).
Alexandre aos 22 minutos logrou o único tanto do encontro, adiantando a un filial deportivista que se defendeu con acerto a pesar das acometidas locais.
Os celestes quedan tras este partido na novena posición con 37 puntos.
Relacionadas:
-
O Arosa métese na "pomada", valioso empate do Céltiga e derrotas de Ribadumia e Villalonga
Por Redacción |
-
De penalti gaña o Céltiga ao Villalonga, Ribadumia puntúa en Bouzas e o Arosa gaña no último minuto
Por Redacción |
-
Fran Fandiño decide para o Ribadumia ante a falta de puntería do Villalonga (1-0)
Por Ramiro Espiño & Diego Torrado |
-
Tropeza o Arosa que perde a Monroy con fractura de clavícula e o Céltiga aproveita a visita do pechacancelas
Por Redacción |
-
Changui decide un emocionante partido entre Ribadumia e Arosa e o Villalonga empata sen goles
Por Redacción |
-
Gañan con autoridade Arosa e Villalonga, bo empate do Ribadumia e derrota dun Céltiga que se complica
Por Redacción |