Esixente exame en Barcelona para o Cisne
Por Redacción
A un punto da fase de ascenso está o Cisne, inmerso nunha igualada loita con Torrelavega, Alarcos e Alcobendas polas dúas últimas prazas para xogar o play-off, tendo en conta que Palma del Río e Zamora, ademais do líder Teucro, parece que se repartirán as outras dúas.
Os catro equipos que están nesa pelexa atópanse separados por un só punto, por iso calquera opción de sumar pode marcar a diferenza.
O cadro pontevedrés necesita mellorar as súas prestacións a domicilio para seguir aspirando a pelexar pola zona de honra da categoría, xa que lonxe da súa cancha só conseguiu gañar esta campaña en dúas ocasións (BMC e Gijón Jovellanos). Por iso é polo que a complicada saída deste sábado (18:00 horas) á pista do Barcelona B pode supoñer unha boa oportunidade para reivindicarse.
Os de Jabato visitan a un filial blaugrana que é o único equipo que gañou no CGTD ata a data e que ocupa a cuarta posición da categoría.
Rival de categoría para un equipo que nos últimos días cubriu a ficha libre deixada por Fabián González cun home da casa, Santi Picallo, que será o terceiro porteiro do plantel.
Relacionadas:
-
"Por min e por todos os meus compañeiros". O Cisne vence a Palma del Río (20-17) e fai despegar ao Teucro
Por Ramiro Espiño & Diego Torrado |
-
Mal día do Cisne, incapaz de inquietar un Barcelona B moi superior (37-30)
Por Redacción |
-
Empate que sabe a pouco do Cisne ante Alcobendas (28-28) nun partido eléctrico
Por Ramiro Espiño & Diego Torrado |
-
Alarcos Ciudad Real imponse ao Cisne (32-28) e aperta a loita polo play-off
Por Redacción |