Os 'vampiros', á caza de Javier Gómez Noya
Por Redacción
Os organismos que loitan contra a dopaxe no deporte intensificaron este ano o seu control sobre o pentacampión do mundo de tríatlon en distancia olímpica, Javier Gómez Noya.
É polo menos o que reflicte a cantidade de veces que os 'vampiros' visitaron ao galego no que vai de ano, cando aínda está en plena pretempada.
Gómez Noya pasou nada menos que cinco controles antidoping en apenas un mes, o último este mesmo mércores, o que supón, tal e como el mesmo recoñeceu en Twitter, un "record persoal".
5th doping control of 2017 done this morning, that's a personal record in one month!
— Javi Gomez Noya (@Jgomeznoya) 8 de febrero de 2017
Máis aló desta anécdota, o triatleta galego encara a recta final da súa preparación co obxectivo de chegar en plena forma ao comezo das Series Mundiais, a primeira fin de semana de marzo nos Emiratos Árabes, co reforzo moral que supuxo o seu triunfo no Ironman 70.3 de Dubai.
Nas Series Mundiais de Abu Dhabi, ademais de Gómez Noya, están inscritos algúns dos que serán os seus grandes rivais esta tempada, como os españois Mario Mola e Fernando Alarza, o francés Vincent Luís ou o surafricano Richard Murray. Os grandes ausentes serán os irmáns Brownlee, que non figuran na listaxe de saída da carreira.
Relacionadas:
-
O Concello de Pontevedra, patrocinador de Javi Gómez Noya durante os dous próximos anos
Por Diego Espiño |
-
Javi Gómez Noya regresa ás Series Mundiais en Yokohama
Por Redacción |
-
Australia, segunda parada nas Series Mundiais de tríatlon para Javi Gómez Noya
Por Redacción |
-
Ata 100.000 dólares de premio e tres días de competición, así é a Super League na que debuta Gómez Noya
Por Diego Espiño |
-
Regreso soñado de Gómez Noya ás Series Mundiais, con vitoria en Abu Dhabi
Por Diego Espiño |
-
A reconquista de Gómez Noya empeza en Abu Dhabi
Por Redacción |
-
Exhibición de Gómez Noya no medio Ironman de Dubai: vitoria e clasificación mundialista
Por Redacción |
-
O tríatlon pontevedrés traslada o seu cuartel xeral a Lanzarote
Por Diego Espiño |
-
Álvaro Arbeloa cómpralle a bicicleta a Javi Gómez Noya
Por Redacción |
-
Gómez Noya anuncia a súa intención de competir nun dos catro mundiais que organizará Pontevedra en 2019
Por Diego Espiño & Mónica Patxot |