"Motivos persoais" provocan a saída de José Simeón do Peixe Galego
Por Diego Espiño
A can fraco, todo son pulgas. Cando o Peixe Galego empezaba a deixar atrás as lesións e recuperouse con dous triunfos consecutivos, en apenas 24 horas viu como era superado polo seu rival en Mallorca e como perdeu a un novo xogador, José Simeón.
O base valenciano solicitou a baixa federativa alegando "motivos personales", o que deixa aos de Marín nunha situación comprometida, obrigados a acudir ao mercado polas saídas de Cabanas e o propio Simeón pero inmerso nunhas dúbidas económicas que dificultan calquera operación.
Luis Santiago: "Es un problema añadido a los múltiples problemas que tenemos"
"Es un problema añadido a los múltiples problemas que tenemos", sinala Luís Santiago. O dirixente peixe recoñece que agora mesmo "tenemos un déficit en varios puestos, sobre todo en el juego interior", xa que no perímetro a chegada de Jorge Romero cubriu o oco deixado por Alec Kobre.
Simeón, que nas últimas xornadas foi baixa no equipo por problemas físicos e que xa non viaxou coa expedición a Mallorca, deixa o clube tras participar en 20 partidos cunha media de 5,6 puntos por encontro.
Aínda que "está claro que hay otro club que lo quiere", o Peixe Galego non puxo impedimentos e "hemos llegado a un acuerdo", explica Santiago.
Agora a directiva marinense busca no mercado para completar o plantel. O feito de gozar esta semana de descanso pola disputa de Cópaa Princesa dá certa marxe de manobra, pero non demasiada. En todo caso o prazo dado pola Federación para inscribir novos xogadores finaliza aínda o 28 de febreiro.
Relacionadas:
-
Tim Derksen e Andrés Miso converten en festa o exilio do Peixe fronte Araberri (76-60)
Por Ramiro Espiño & Diego Torrado |
-
O Palma Air Europa acaba co bo momento do Peixe Galego (80-69)
Por Redacción |
-
Marín acollerá en xuño o Campionato de España Infantil Feminino de baloncesto
Por Diego Espiño |
-
Triunfo vital do Peixe Galego sobre o Huesca (73-71) cunha tripla de Andrés Miso sobre a bucina
Por Redacción |
-
Movementos no Peixe Galego, que dá a baixa a Cabanas e reforza a súa liña exterior
Por Redacción |