Súa o Cisne para dobregar o pechacancelas Gijón Jovellanos (22-23)
Por Redacción
Que o Cisne está a realizar unha sensacional tempada é unha evidencia á vista da súa posición na táboa, como tamén o é o moito que lle custa sacar os seus partidos adiante lonxe da súa pista. Nesta ocasión sufriu a indicible na súa visita o pechacancelas Gijón Jovellanos, nun partido que tiña case gañado, pero que se deixou complicar en exceso por non saber pechalo, despois de mandar no marcador case de principio a fin.
Os de Jabato comezaron despistados, pero ese descoido apenas durou dez minutos, tempo en que o conxunto asturiano foi por diante, sempre con rendas que non superaron os dous goles (5-3). A partir de aí, o equipo branco púxose as pilas, logrando un contundente parcial de 0-6, que lle daba a súa primeira e importante vantaxe (5-9), superado o ecuador do primeiro tempo.
Jovellanos non daba o seu brazo para torcer e mantíñase preto, para chegar ao descanso cunha desvantaxe curta (11-13), que mesmo neutralizarían ao pouco de comezar a segunda parte (14-14) no minuto 35 de xogo.
Sería o máximo que conseguirían os locais. O Cisne volveu abrir oco, pero sempre sen superar os tres goles de renda e sen terminar de sentenciar. Así se chegaba á recta final cun gol de Álex Chan que parecía ser definitivo (20-23) a falta de sete minutos. Pero Jovellanos aproveitou unha exclusión de David Chapela, para poñerse a un gol (22-23) e opcións de marcar para ambos.
Os nervios apertaron a uns e outros, que desaproveitaron ataques claros. Jovellanos puido empatar, pero cometeu unha inxenua falta en ataque, con 32 segundos por xogar. Jabato pediu tempo morto. Os asturianos presionaron en toda a pista, pero o Cisne, aínda que con dificultades, foi capaz de manter o balón, consumindo o tempo sen chegar a lanzar para lograr un triunfo que lles leva de novo a posicións de play-off.
Consulta aquí o acta do Gijón Jovellanos-Cisne.
Relacionadas:
-
Alarcos Ciudad Real imponse ao Cisne (32-28) e aperta a loita polo play-off
Por Redacción |
-
Sen necesidade de empregarse a fondo o Cisne supera con claridade a Cajasur Córdoba (32-21)
Por Ramiro Espiño & Diego Torrado |
-
O Cisne, a seguir soñando en grande na visita do Cajasur Córdoba
Por Redacción |
-
O Cisne anuncia a saída de Fabián González antes de viaxar a Xixón
Por Redacción |
-
Sobre a bucina gaña o Cisne ao Atlético Novás (25-24) no Memorial Manuel Luaces
Por Ramiro Espiño & Diego Torrado |
-
O Cisne volve á actividade e xa se prepara para a segunda volta
Por Redacción |