O tenis galego prepara unha homenaxe a Lourdes Domínguez no Pazo da Cultura
Por Diego Espiño
Por segundo ano consecutivo Pontevedra converterase durante unha semana na capital do tenis galego coa disputa do Master Absoluto e a Gala do Tenis organizada pola Federación Galega.
Na gala anual a protagonista será Lourdes Domínguez Lino, recentemente retirada do deporte profesional tras unha longa traxectoria internacional que a levou a ser considerada a mellor tenista galega da historia.
Lourdes recibirá o agarimo de xogadores, directivos e representantes dos clubs nun acto que se celebrará o vindeiro sábado 14 de xaneiro (18:30 horas) no Pazo da Cultura.
Ademais, segundo confirmou Chisco Pardo en representación da Federación Galega, "a partir de este año el premio a la mejor jugadora del año llevará el nombre de Lourdes Domínguez".
MASTER GALEGO ABSOLUTO
A semana tenística na cidade completarase coa disputa do Master Galego Absoluto nas pistas do Casino Mercantil, entre os días 12 e 14 de xaneiro.
Na cita reuniranse os 16 mellores xogadores autonómicos en categorías masculina e feminina segundo o ránking galego de 2016.
A competición terá lugar nas pistas cubertas das que dispón o Mercantil, con entrada de balde para o público, estando previstos os partidos de oitavos de final o día 12 de xaneiro, os de cuartos de final o día 13 e as semifinais e final o sábado 14 de xaneiro.
Relacionadas:
-
Lourdes Domínguez recibe o agarimo de todo o tenis galego
Por Redacción & Diego Torrado |
-
Propoñen a Lourdes Domínguez como candidata ao premio Cidade de Pontevedra
Por Redacción |
-
A despedida da mellor tenista galega da historia
Por Diego Espiño |
-
VÍDEO.- Os mellores momentos na carreira de Lourdes Domínguez, a mellor tenista galega da historia
Por Redacción |
-
VÍDEO.- Lourdes Domínguez anuncia cunha emotiva rolda de prensa a súa retirada do tenis profesional
Por Diego Espiño & Mónica Patxot |