Positivo inicio de ano para o Leis na Segunda División feminina
Por Redacción
Non puido empezar mellor o ano para o Leis Pontevedra na Segunda División Feminina de fútbol sala, cun triunfo que lle permite apertar a loita na zona baixa da clasificación.
As pontevedresas venceron nun gran partido ao Artilleiros Moratalaz (2-3) e colócanse no décimo cuarto posto con 12 puntos.
O Leis comezou o partido esperando ao seu rival a media pista, sen conceder ocasións e coa intención de saír con rapidez á contra. Aínda que o plan funcionaba foi un penalti executado por Lucía o que abriu o marcador.
Laura fixo o 0-2 antes do descanso, aproveitando unha das moitas contras do seu equipo.
Na segunda metade o guión era o mesmo, ata que no minuto 31, tras desperdiciar o Leis unha clara ocasión, o Moratalaz lograba reducir distancias.
A falta de 6 minutos as locais apostaron polo xogo de cinco, pero o que chegaría sería o terceiro tanto pontevedrés, de Ali aproveitando un roubo e case desde campo propio. As locais seguírono tentando pero só lograron poñer o 2-3 no electrónico a falta de 20 segundos.
DERROTA DO CIDADE DE PONTEVEDRA
O que segue caendo postos no Grupo I da Segunda División é o Cidade de Pontevedra, que non puido estrear o ano con triunfo na casa.
O cadro pontevedrés viuse superado polo Ordizia (1-4) e queda na undécima praza do seu grupo con 11 puntos.
Relacionadas:
-
O Leis feminino reacciona para sumar un punto ante o Alcorcón B
Por Redacción |
-
O Leis masculino rescata un punto na pista do Xove (4-4) no seu primeiro partido do ano
Por Redacción |
-
O Torneo de Reis do Leis pecha a súa cuarta edición
Por Redacción |
-
Festa do fútbol sala no Municipal, Multiusos e A Xunqueira II
Por Redacción |
-
O Leis Pontevedra saca peito de club
Por Redacción & Diego Torrado |