O Teucro deixa atrás as vacacións de Nadal a golpe de dobre sesión
Por Diego Espiño
Atrás quedan dúas semanas de vacacións de Nadal para o primeiro plantel da Sociedad Deportiva Teucro, que desde este martes 3 de xaneiro xa súa a pinga gorda para intentar recuperar o estado de forma co terminaron o ano.
O obxectivo dos azuis pasa por chegar en óptimas condicións ao primeiro partido de liga do ano, todo un duelo polo ascenso directo o día 14 de xaneiro no Municipal, ante o Zamora.
Por iso o corpo técnico encabezado por Quique Domínguez programou adestramentos en dobre sesión durante as primeiras xornadas de traballo do ano, para compensar os días extra de vacacións que concedeu ao equipo tras o seu sensacional recta final de 2016.
Desta forma tanto este martes 3 como o mércores 4 os azuis afrontan un adestramento físico en horario matinal, mentres pola tarde é quenda para o traballo táctico en pista, aínda que deben facelo no pavillón de Marcón ao estar o Municipal ocupado polo Torneo de Reis de fútbol sala organizado polo Leis Pontevedra.
Saúl Campo, afectado de gripe, é o gran ausente nas primeiras sesións do equipo, mentres a nota positiva achégaa José Manuel Rial ao comezar a realizar traballo de grupo entrando así na fase final de recuperación da súa grave lesión no ombreiro.
Durante a minipretempada de dúas semanas que deben afrontar os teucristas fixáronse ademais dous encontros amigables, o primeiro deles tras un cambio de rival o vindeiro sábado 7 (12:00 horas) ante o Ismai Maia portugués e o luns 9 (20:45 horas) ante a Selección de Xapón, ambos no Pavillón Municipal dos Deportes de Pontevedra.
Relacionadas:
-
Prato forte para o Teucro na súa volta á competición
Por Diego Espiño |
-
Competición confirma un mes despois que Johnny Medina non será sancionado
Por Redacción |
-
Vitoria ante Xapón e boas sensacións para o Teucro (34-31)
Por Redacción |
-
O Teucro cumpre o trámite e supera ao Ismai Maia nun amigable no Municipal (36-30)
Por Diego Espiño |
-
Medina evita a sanción...de momento
Por Diego Espiño |
-
O Teucro xogará un amigable no Municipal ante a Selección Xaponesa o día 9 de xaneiro
Por Redacción |
-
Vitoria do Teucro en Bordils para pechar a primeira volta como líder (21-26)
Por Redacción |