O Arxil afúndese no último cuarto e encaixa unha nova derrota en Vilagarcía (67-55)
Por Redacción
Cuarta derrota consecutiva na Liga Feminina 2 dun Arxil ao que lle está custando recuperar o nivel mostrado no inicio da competición.
No partido aprazado da sétima xornada, suspendido no seu día pola praga de lesións no cadro pontevedrés, o Arxil cedeu en Fontecarmoa nun duelo igualado na pista do Cortegada de Vilagarcía (67-55).
As de Mayte Méndez foron de máis menos, xa que empezaron o choque dominando ao seu rival (10-20), xa con Waleska Pérez na rotación arxilista.
O dominio visitante mantívose ata o descanso (29-35), pero na continuación e co paso dos minutos o trío formado por Sara Gómez, Salomé García e Belén Mejías fíxose co control do partido e o Cortegada comezou a mandar no electrónico (48-47).
Así se chegaban aos últimos 10 minutos, con todo en xogo, pero o partido fíxoselle longo a un Arxil que no último cuarto só foi capaz de anotar 8 puntos ante a solidez defensiva dun Cortegada que sentenciou.
Coa derrota as pontevedresas quedan na novena praza da clasificación cun balance de cinco encontros gañados e cinco perdidos, mentres o Cortegada ascende ata a terceira posición.
Relacionadas:
-
Sant Adriá aprovéitase da falta de puntería do Arxil (45-50)
Por Redacción |
-
A recuperación do Arxil pasa por un dos equipos máis en forma da liga
Por Redacción |
-
Minata Keita e María Lago lideran o triunfo do Arxil en Azkoitia (55-71)
Por Redacción |
-
Segue a costa abaixo do Arxil que se afunde ao final ante Segle XXI (66-72)
Por Redacción & Cristina Saiz |
-
Preocupación no Arxil polo estado de Waleska Pérez
Por Redacción |
-
O Arxil cae en León tras aguantar ao líder ata o último cuarto (71-53)
Por Redacción |