Roi Rodríguez, vencedor da III Lanzada Ocean Race
Por Redacción
Con boa climatoloxía e magníficas condicións no mar. Así se desenvolveu a terceira edición da Lanzada Ocean Race, competición de surfsky e padle surf na que participaron un cento de deportistas.
Os participantes debían percorrer os preto de 17 quilómetros que separan a Lanzada da praia de Silgar, en Sanxenxo.
O primeiro en cruzar a meta foi o tudense Roi Rodríguez, cun tempo de 1:05:58 segundos, completando o podio na categoría elite o portugués Enmanuel Silva, subcampión olímpico en Londres 2012, e Breogán Monteagudo, segundo e terceiro respectivamente.
En categoría femeninda a grovense Tania Alvarez foi a primeira en completar os 17 quilómetros do percorrido cun tempo de 1:23:09 segundos, por detrás entraron Verónica Carrera e María del Palacio.
Pola súa banda Carlos Pérez 'Perucho' foi o vencedor en master elite cun tempo de 1:06:13 segundos, seguido do surafricano Óscar Chalupsky e o asturiano Rafael Carril.
Na modalidade de padle surf o podio estivo formado por Carlos Besada, Iván Pena e Roi Carballeda.