O Cisne, a recobrar impulso ante o "tapado" Covadonga
Por Diego Espiño
Superada a fase máis esixente da competición ligueira, e tras unha semana de descanso, o Cisne volve á actividade na División de Honra Prata recibindo ao Covadonga este sábado (18:00 horas) no Centro Galego de Tecnificación Deportiva.
"Son un poco el equipo tapado", sinala Jabato, e é que para o técnico cineísta o potencial do conxunto asturiano, con xogadores moi experimentados como Jorge Martínez ou Prendes, permítelle aspirar á zona nobre da táboa.
Jabato aproveitou a semana sen partido para subir a intensidade dos adestramentos co obxectivo de "llegar en mejores condiciones al final de la primera vuelta".
O equipo pontevedrés quere recobrar impulso na táboa e para iso debe manter a súa fortaleza como local, aínda que "nosotros sabemos que tenemos que estar a un nivel alto si queremos ganarle a cualquier equipo", sinalou o preparador.
A única baixa no Cisne é a de Andrés Sánchez, que tras o derbi pontevedrés retomou a súa bolsa de estudos no estranxeiro.
O partido será arbitrado por Muñoz Díaz e Posada González, do colexio territorial madrileño.
Relacionadas:
-
O Cisne imponse nun intenso final ao BMC Carabanchel (24-27)
Por Redacción |
-
Toño Lafuente sostén o Cisne nunha traballada vitoria sobre Grupo Covadonga (28-25)
Por Ramiro Espiño & Diego Torrado |
-
Memorable derbi e triunfo agónico do Teucro sobre o Cisne (32-31)
Por Ramiro Espiño & Diego Torrado |
-
Partidazo do Cisne que só cede ao final fronte ao Ciudad Encantada (30-32)
Por Ramiro Espiño & Mónica Patxot |