Dous días de merecido descanso tras unha semana redonda
Por Diego Espiño
Resaca doce no Pontevedra tras o triunfo deste domingo ante un aspirante ao ascenso como a Ponferradina.
O equipo pontevedrés mostrou en Pasarón a súa versión máis sólida e comprometida, cun importante esforzo físico nunha semana moi esixente, na que afrontou tres partidos en sete días.
O pleno de vitorias, tres de tres, consolidou aos granates na zona de play-off de ascenso e disparou o optimismo na contorna, aínda que Luisito quere rebaixar polo momento as espectativas asegurando que "eu non o miro, eu só penso en ir o domingo a León" e que o seu obxectivo é só "mellorar ou da tempada pasada".
Así o expresou en sala de prensa tras o partido, onde revelou ademais que deu dous días de descanso ao plantel despois de "12 días coma unha bala" e porque "hai futbolistas que están moi afogados, que non tiveron tempo de recuperar".
Bonilla será baixa en León por acumulación de amoestacións
Varios deles, como Mario Barco ou Jacobo Trigo, concluíron o encontro ante a Ponferradina con algunha molestia física, polo que o descanso viralles ben antes de afrontar un novo e esixente reto, visitar á Cultural Leonesa (domingo, 17:00 horas), actual líder da competición e "a día de hoxe o mellor equipo da categoría de largo", sinalou Luisito.
O equipo volverá ao traballo o mércores para preparar esta cita, na que volverá estar dispoñible Abel Suárez pero que se perderá Javi Bonilla por sanción. O lateral zurdo, autor do primeiro tanto e asistente no segundo este domingo, viu no tramo final do choque a que é o seu quinto cartón amarelo da tempada.
Ademais da súa ausencia, o adestrador granate adiantou que seguirá introducindo cambios no equipo, cunhas rotacións que nas últimas xornadas déronlle un grande rendemento.
Relacionadas:
-
Pasarón pon a proba a súa imbatibilidade recibindo un Somozas necesitado de puntos
Por Ramiro Espiño |
-
Un gol en fóra de xogo abre o camiño a unha Cultural Leonesa superior ao Pontevedra (3-0)
Por Redacción |
-
Viaxe a León "sen medo" para un Pontevedra que quere dar un golpe de efecto na casa do líder
Por Diego Espiño |
-
Reforzos internacionais para a Cultural Leonesa a poucos días de enfrontarse ao Pontevedra
Por Diego Espiño |
-
Un dilema no lateral zurdo
Por Diego Espiño |
-
Golpe de autoridade dun sólido Pontevedra (2-0) ante a Ponferradina
Por Ramiro Espiño & Diego Torrado |
-
Duelo de xeiras positivas en Pasarón nun partido de altos voos entre Pontevedra e Ponferradina
Por Diego Espiño |
-
Exercicio de solidez do Pontevedra para sumar en Tudela o seu primeiro triunfo fóra (0-1)
Por Redacción |