Duelo de xeiras positivas en Pasarón nun partido de altos voos entre Pontevedra e Ponferradina
Por Diego Espiño
Un dos grandes favoritos ao ascenso, a Sociedad Deportiva Ponferradina, visita este domingo (17:00 horas TVG2), o Estadio Municipal de Pasarón nun partido que, pase o que pase, acabará coa xeira positiva dalgún dos dous equipos.
O Pontevedra, cargado de moral tras a remontada ante Osasuna B e a vitoria a domicilio en Tudela, poñerá a proba o seu bo momento na casa, onde ata o momento mostrouse inexpugnable con seis triunfos en seis encontros de liga.
Pola súa banda a Ponferradina chega á cidade de Lérez no seu mellor momento da tempada, acumulando tres vitorias consecutiva desde que Pedro Munitis se fixo cargo do equipo. Desde entón, o cadro berciano sumou catro goles a favor e ningún en contra.
Unha auténtica proba de nivel para os granates que será ademais unha pelexa pola cuarta praza, na que ambos os equipos empatan actualmente a puntos.
Luisito non poderá contar para a cita co lesionado Iker Alegre nin con Abel Suárez, sancionado por acumulación de amoestacións, e deberá decidir entre os demais a lista de 18 futbolistas que compoñerán a convocatoria.
Pola súa banda Munitis non poderá aliñar a Andy, que cumprirá en Pontevedra o seu cuarto e último partido de sanción tras ser expulsado ante o Mutilvera. Ademais outro centrocampista, Adán, non adestrou con normalidade durante os últimos días por problemas físicos.
O colexiado designado para o encontro é o madrileño Pedro Eugenio Muñoz Piedra.
Relacionadas:
-
Dous días de merecido descanso tras unha semana redonda
Por Diego Espiño |
-
Golpe de autoridade dun sólido Pontevedra (2-0) ante a Ponferradina
Por Ramiro Espiño & Diego Torrado |
-
Abel Suárez será baixa ante a Ponferradina por sanción
Por Diego Espiño |
-
Exercicio de solidez do Pontevedra para sumar en Tudela o seu primeiro triunfo fóra (0-1)
Por Redacción |
-
Remonta o Pontevedra fronte a Osasuna B (3-1) para manter intacto o fortín de Pasarón
Por Ramiro Espiño & Diego Torrado |