Osasuna B examina a fortaleza do Pontevedra en Pasarón
Por Diego Espiño
Quere esquecer o Pontevedra o tropezo da pasada semana en Valladolid e recuperar en casa o que polo momento está a custar sumar lonxe de Pasarón.
O estadio pontevedrés será escenario este domingo (17:00 horas) da visita do filial do Atlético Osasuna, un rival que encadea catro semanas sen gañar (tres empates) pero que demostrou desde o inicio da competición a enorme calidade que atesouran os seus futbolistas.
Os granates buscarán o seu sexto triunfo consecutivo na casa, onde se están a mostrar intratables, para manterse na zona alta da táboa.
Para eles Luisito contará cunha baixa sensible, a de Mario Barco por sanción. O seu lugar na dianteira ocuparao previsiblemente Mateu Ferrer, na busca dunha oportunidade para reivindicarse.
Ademais os granates contan coa dúbida do estado físico de Jacobo Trigo e David Añón.
O técnico de Teo, como habitualmente fai nos encontros que o equipo xoga en Pasarón, convocou a todos os xogadores dispoñibles.
Por parte do Osasuna B, a súa principal ausencia en Pontevedra será a do defensa Aritz Eguaras, expulsado a pasada fin de semana ante o Celta B.
O choque, primeiro dos tres que o cadro granate debe afrontar nunha semana, será arbitrado polo colexiado o asturiano Leandro Carbajales Gómez
Relacionadas:
-
Remonta o Pontevedra fronte a Osasuna B (3-1) para manter intacto o fortín de Pasarón
Por Ramiro Espiño & Diego Torrado |
-
A hora de Mateu Ferrer
Por Diego Espiño |
-
Dous penaltis tomban inxustamente ao Pontevedra en Valladolid (2-1)
Por Redacción |
-
Final feliz en Pasarón a un día de festa granate con vitoria (3-0) ante o Lealtad
Por Ramiro Espiño & Diego Torrado |