Águeda Cons, obxectivo Tokyo 2020
Por Diego Espiño
Ademais de Bea Gómez Cortés, que seguirá adestrando no centro de alto redimiento da Residencia Blume en Madrid dentro da disciplina do equipo nacional, a Federación Española estará pendente neste ciclo olímpico doutra nadadora do Galaico, Águeda Cons.
A deportista pontevedresa foi incluída no Programa ESP-2020, que tutela ás novas promesas da natación nacional co obxectivo de guialas aos próximos Xogos Olímpicos.
Aínda que seguirá adestrando ás ordes de Luisa Domínguez no Centro Galego de Tecnificación Deportiva, na ciuda de Lérez, Águeda contará o soporte dos programas de apoio da Federación Española en competicións e concentracións.
De feito ademais de acudir ás competicións internacionais que decidan os técnicos nacionais, ten fixadas no calendario varias concentracións no CAR de San Cugat e en altura, no CAR de Serra Nevada.
Todo para seguir progresando nas probas nas que logrou a marca mímina que esixía o Programa ESP-2020 para a súa idade, é dicir, os 800 libre (o seu tempo é de 8:39.99) e os 400 libre (4:15.47).
Águeda, nacida no ano 2000, deberá referendar estas marcas e melloralas ao longo do ano nas competicións marcados, como campionatos de España ou Europa para permanecer neste programa, que ten a vista posta nos Xogos Olímpicos de Tokyo.
PAULA GOYANES, CONCENTRADA CO EQUIPO NACIONAL DE AUGAS ABERTAS
Outra das deportistas do Club Natación Galaico, Paula Goyanes, foi convocada polo equipo nacional de augas abertas para participar na concentración que levará a cabo no Centro de Tecnificación Deportiva Mar Menor, en Murcia, do 9 ao 13 de outubro.
Paula preparará alí a súa participación, o día 15 de outubro, nunha proba de 10 quilómetros na localidade portuguesa de Funchal, nas Illas Madeira.
Relacionadas:
-
Águeda Cons, ao asalto das mínimas para o Campionato do Mundo Junior
Por Diego Espiño |
-
Águeda Cons deslumbra en Sabadell con su primer oro en el Nacional de piscina corta
Por Diego Espiño | Creada e actualizada
-
Bea Gómez e Águeda Cons encabezan o equipo do Galaico no Campionato de España de Inverno
Por Redacción |
-
O Natación Galaico, un club en plena forma
Por Redacción |
-
O Galaico termina en segundo lugar na Copa de España de Augas Abertas
Por Redacción |
-
O Galaico, a polo título da Copa de España de Augas Abertas
Por Redacción |
-
Águeda Cons, medalla de ouro por equipos no Campionato de Europa de Augas Abertas
Por Redacción |
-
Futuro garantido no Club Natación Galaico
Por Diego Espiño |
-
Bea Gómez e Águeda Cons poñen o broche de ouro ao Nacional de Verán con dúas medallas máis para o Galaico
Por Redacción |