Edu Moledo, baixa sensible para o Teucro na Copa do Rei
Por Redacción
A derrota do Teucro o pasado sábado en Carabanchel non foi a única mala noticia para o equipo azul en terras madrileñas, xa que perde con total seguridade a Edu Moledo para o seu próximo partido.
No minuto 7 de partido o extremo tívose que retirar da pista por lesión, despois de sufrir un golpe na súa man esquerda.
Xa en Pontevedra e tras realizarlle probas, diagnosticóuselle unha luxación, aínda que ata que baixe a inflamación non se poderá coñecer o grao exacto de afectación no ligamento, e por tanto o seu período de baixa.
O que si se descartou é que sufra unha rotura, polo que polo momento só perde o choque de Copa do Rei do próximo sábado no País Vasco, na pista do Amenabar Zarautz.
"Doe non poder axudar ao equipo nos próximos partidos por unha acción que o defensor se podía aforrar pero agora o único que importa é traballar para recuperarme da mellor maneira e canto antes", explicou Moledo, que se une a José Manuel Rial na lista de baixas teucristas por lesión.
Relacionadas:
-
O Teucro salva o seu mal partido aproveitando a debilidade dun frouxo Tolosa (29-20)
Por Ramiro Espiño & Diego Torrado |
-
O Teucro, sen confianzas ante o Tolosa no seu último partido no exilio de Príncipe Felipe
Por Diego Espiño |
-
O Teucro reacciona na segunda parte para gañar en Zarautz (19-24) e seguir adiante na copa
Por Redacción |
-
Quique Domínguez aposta pola Copa do Rei: "Es una competición que me gusta mucho"
Por Diego Espiño |
-
Patinazo do Teucro en Carabanchel (31-27)
Por Redacción |
-
O Teucro salva os mobles nun mal partido fronte ao Grupo Covadonga (31-28)
Por Ramiro Espiño & Diego Torrado |