Gol de ouro do Marcón e primeiro triunfo da tempada para o Pontevedra B
Por Redacción
Sufrido e traballado triunfo do Marcón Atlético no Carrasco ante o Amanecer (1-0) nun partido que se decidiu a favor dos pontevedreses no último suspiro.
Un gol de Martín no último minuto de xogo certificou a vitoria para alegría da inchada local.
Estes tres puntos colocan ao Marcón na terceira praza, con 9 puntos.
Consulta aquí o acta do Marcón Atlético-Amanecer.
Pola súa banda o Pontevedra B conseguiu o seu primeiro triunfo da tempada e fíxoo de maneira contundente, cunha goleada na casa ante o Juvenil de Ponteareas (3-0).
Baptiste adiantou ao filial granate aos 15 minutos, e Abrahan encarrilou o choque antes do descanso. Iago, ao comezar o segundo tempo sentenciou.
Os pupilos de Santi Mariño colócanse na sétima praza con 5 puntos.
Consulta aquí o acta do Pontevedra B-Juvenil de Ponteareas.