O Pontevedra, a recuperar o paso na visita do recentemente ascendido Palencia
Por Diego Espiño
O Club Deportivo Palencia visita este domingo (18:00 horas) ao Pontevedra no Estadio Municipal de Pasarón.
Os granates esperan repoñerse da derrota da pasada fin de semana en Santander ante un rival que chega á cidade de Lérez nunha situación complicada. Recentemente ascendido, a destitución do adestrador que logrou o salto de categoría e posteriores cambios ao longo do verán deixaron unha situación inestable que se traduce polo momento nun mal inicio de liga.
O cadro castelán chega de feito na última posición da táboa despois de tres derrotas noutros tantos partidos, pero Luisito non quere confianzas e avisa do seu potencial, con "moi bos futblistas non seu plantel".
O Pontevedra afronta a cita coa única ausencia de Iker Alegre, que estará entre seis e oito meses de baixa debido á rotura do ligamento cruzado do seu xeonllo. O resto do primeiro equipo está convocado para o encontro, polo que Luisito deberá realizar algún descarte antes do inicio do mesmo.
Pola súa banda o adestrador do Palencia, Óscar de Paula, recupera para o choque a Zarandona e Durántez, pero perde por sanción ao defensa Héctor Sánchez, expulsado o pasado domingo ante o Celt B.
O colexiado do encontro será o asturiano Carlos Fernández Buergo.
Relacionadas:
-
O Pontevedra pasa de poder golear a terminar pedindo a hora fronte ao Palencia (2-1)
Por Ramiro Espiño & Diego Torrado |
-
Iker Alegre estará "entre seis e oito meses" de baixa ao confirmarse que sofre unha grave lesión de xeonllo
Por Diego Espiño |
-
Palencia, un partido especial para Luisito
Por Diego Espiño |
-
Un mal día na oficina do Pontevedra cústalle a derrota en Santander (2-0) ante o Real Racing
Por Redacción |