Támara Echegoyen e Berta Betanzos recollen en Baiona o Premio Nacional de Vela
Por Redacción
O Monte Real Club de Yates de Baiona acolleu este sábado a entrega dos Premios Nacionais de Vela, con protagonismo para Támara Echegoyen e Berta Betanzos.
A regatista pontevedresa e a súa compañeira de aventuras no 49er FX foron distinguidas como Mellor Equipo de Regatas Feminino pola súa espectacular traxectoria nesta clase olímpica.
Támara e Berta navegan xuntas desde 2013, cando formaron equipo pensando no ciclo olímpico. Desde entón foron pouco a pouco progresando ata situarse na elite, e é que nos últimos meses conseguiron gañar o Campionato do Mundo, lograron un bronce no Europeo e pecharon a súa participación en Río de Janeiro cun meritorio diploma olímpico.
En Baiona acompañounas o seu adestrador Pepe Lis, ao que quixeron dedicar o seu premio por ser "peza fundamental" dos seus éxitos.
Tamén foron galardoados Arturo Montes (mellor deportista paralímpico), Rayco Tabares (mellor patrón), 'Rats on Fire' como mellor barco, o diario Marca (Premio Mariano Augado de Comunicación), e Abanca (mellor patrocinador do ano).
Relacionadas:
-
Existosa estrea de Támara Echegoyen na vela oceánica a bordo do Mapfre
Por Redacción |
-
Támara Echegoyen, primeira regatista española en participar na Volvo Ocean Race
Por Redacción |
-
Támara Echegoyen e Berta Betanzos recibirán o Premio Nacional de Vela
Por Redacción |
-
Támara Echegoyen: "Dimos todo lo que pudimos y me voy a casa contenta"
Por Redacción |
-
Támara Echegoyen queda sen medalla
Por Redacción |