O Arxil deixa atrás as vacacións e comeza a preparar unha ilusionante tempada
Por Diego Torrado & Redacción
Acaba o mes de agosto e con el as vacacións do Club Baloncesto Arxil, que este martes volveu ao traballo pensando nunha nova tempada na Liga Feminina 2.
As verdes inician con ilusión o curso, no que esperan poder pelexar como hai dúas campañas polos postos altos da clasificación.
Mayte Méndez non poderá contar durante as primeiras sesións coas dúas fichaxes estrela do verán, a venezolana Waleska Pérez e a malí Minata Keita, pero si co groso do equipo.
A primeira sesión serviu para soltar a musculatura cunha hora de carreira pola zona da Illa das Esculturas, antes de regresar á pista do Centro Galego de Tecnificación Deportiva.
A primeira gran cita da pretempada chegará o 9 de setembro co debut na Copa Galicia ante o Cortegada. Unha competición, a Copa Galicia, que servirá de test ante o inicio da liga, previsto para o 1 de outubro no CGTD ante o Ensino lugués.
Relacionadas:
-
Melloría do Arxil para despedirse con triunfo da Copa Galicia
Por Redacción |
-
O Arxil, superado en Copa Galicia ante un Cortegada máis eficaz
Por Redacción |
-
O Arxil prepara o seu debut en Copa Galicia sen as súas dúas fichaxes estrela
Por Redacción |
-
O filial do Arxil reármase para unha nova tempada
Por Redacción |
-
Aldara Vázquez súmase ás renovacións no Arxil
Por Redacción |
-
Minata Keita regresa a un Arxil que apunta alto
Por Redacción |
-
O Cortegada crúzase no camiño do Arxil na Copa Galicia
Por Redacción |
-
Derbi galego entre Arxil e Ensino para abrir a tempada na Liga Feminina 2
Por Redacción |